لو سمحت يا دكتور هى الاقسام زى العظام والعيون والمخ والاعصاب والانف والاذن دى بتكون موجودة في انهى مبنى ف مستشفيات الجامعة ،يعنى فى مبنى جراحة وباطنة واستقبال ونسا، باقى الاقسام اللى قولتها دى بقى بتكون فين ونوابهم فين هل التخصصات دى ليهم مستشفيات هما كمان؟
انف واذن فمبني الجراحه وعيادته فمبني العيادات ، العيون فمبني العيادات ، عظام علي ما اتذكر كان فمبني الجراحه ، مخ واعصاب تقريبا فصيدناوي
لو سمحت هى نباطشيات الاستقبال بتكون فى الاستقبال العام يعنى كل التخصصات ولا استقبال خاص بالقسم؟
علي حسب التخصص وحسب سيستم المستشفى اللي انت فيها
عدى عليك يوم مكنتش عارف هيعدي ازاي ؟
متعدش كتييير بس بتعدي بكرم ربنا
انسب سن للجواز؟
ملهاش قاعده لما ييجي النصيب بتاعك ومعاد رزقك
لو سمحت كنت عاوزه استفسر منك ع شويه حاجات
تخصص النيفرو عندك في الاحرار كويس لفيميل؟ وهل بيشيلونا نباطشيات او استقبال؟
وايه مميزاته وعيوبه لبنت مش غاويه بهدله اوي
النفرو بصفه عامه من اخف التخصصات بالنسبة للاحرار فهي من اقل المستشفيات اللي تبع الهيئه فالحضور ده فمقابل ان التعليم فيها مش بنفس مستوي باقي مستشفيات الهيئه. بالنسبة للنبطشات اه طبعا حتشيلي نبطشيات اقل بكتير من اي مستشفى تعليمي بس في نبطشيات ، النبطشيه بتكون فالقسم والاسستقبال(حالات الكلي بس علي عكس مستشفيات تاني ممكن تشيلك باطنه عامه) نبطشياتك كجونيور جديد بتكون اكتر من اللي اقدم منك وده طبييعي فكل مكان طبعا بتقل لما تقدمي وييجي دفعه جديده بعدك. لو مش عايزه تشيلي نبطشيات من أساسه ممكن تفكري فتخصص مفهوش نبطشيات بقا 😅
خطيبي مواليد تسعينات يعني بحسه عجوز ارفضه ولا اكمل
تسعينات وعجوز 😳 لا حول ولا قوة إلا بالله احنا عجزنا كده واحنا مش واخدين بالنا 😑
اى الكورسات اللى بتبقى مطلوبه للماجستير؟
كل جامعه وليها الدورات المطلوبه عشان تقدر تسجل بروتوكول الرساله بتشوف الجامعه اللي مسجل فيها وتشوف طلباتها وبعد كده بتقدم فالدورات دي بتبقي جوا نفس الجامعه
هى اى فايدة المؤتمرات اللى بتبقى تبع الاقسام؟ وهل اى نايب بيحضرها براحته ولا رؤساء الاقسام هما اللى بيختاروا النواب ؟
لو قصدك عاليوم العلمي فده بتعمله اقشام كتير وبيكون غالبا روته علي الناس (اللي بتشرح) بيحضر فيها موضوع بيختاره رئيس القسم وبيشرحه لزمايله ويتناقشوا فيه وده الحضور فيه مبيبقاش بالمزاج بيبقي الزامي فمعظم الاماكن واللي مبيحضرش بيتبنش ،،اما المؤتمر العلمي اللي بتنظمه شركات الادويه ده غالبا الحضور بيبقي براحتك الا لو القسم اعلن عكس كده
هو برتوكول تسجيل الماجستير بيكون بعد امتحانات الفيرست علطول؟
بعد الفيرست بتتوزع غلي مشرف بعدها بتختاروا عنوان وبعدها بتكتب البروتوكول وتراجعه معاه وبعدها مجلس قسم وكليه وجامعه بس انت متي نا اخدت موافقه مجلس المليه بتبدا كتابه فالرساله عادي
هو العرايس والعرسان بقوا يدوروا عليهم عالاسك🤔ايه الزمن الغريب ده 😅 😂
ترضى تتقدم لبنت باتت بره البيت وقعدت مدينة جامعية فترة الدراسة ؟
ايه المنطق مش فاهم مهو حتلاقي تقريبا كل البنات فالكليات العمليه بتسكن بره إما فمدينه جامعيه او سكن خاص وكذلك الدكاترة مهم بيباتوا برا فالنبطشيات 🤔طالما انت متأكد من اخلاقها وتدينها توكل علي الله 🤷🏽♂️
هم الولاد اللى لو مثلا ركبت جنبه فى الميكروباص يتكسف ويقعد كاشش فى الكرسى دى بتبقى طبيعته عموما ولا ايه ؟
طبيعته انه محترم ومتربي
هو اختيار عنوان رسالة الماجستير بيكون بعد امتحانات الفيرست علطول؟
اول ما تتوزع علي مشرفين بيختارولك عنوان وده بيكون بعد الفيرست ، اي تاخير بقا بيكون علي حسب المشرف اللي معاك وعلي حسب برضه انت بتنجز معاه علي طول ولا لا