في الحقيقة لم انتظر ردًّا لأي معروف فعلته مع شخصً ما، اعتدتُ التّصرف بشكلٍ جيّد مع الجميع بغضّ النظر عن مدى استحقاقهم لتلك المعاملة الحسنة، هذا ما تُمليه عليّ تربيتي الصالحة التّي اسقاني اياها والديّ، بالإضافة لإيماني الشّديد بأن الجمائل التّي تُعطى اليوم، ستعود لك غدًا وأنت في أمس الحاجة إليها، لا من الأشخاص، بل من القدر، وما أعظم القدر إن تلطّف بِك. 🖤
ما تلومني لأني أنسحبت من حياتك ، انا لمّا اشوف الاشياء يلّي بكرها كُل يوم قاعدة بتتكرر قدام عيوني ، ولا كإني موجوده بحياتك حقي أنسحب . لمّا اشوف ما في أي تغيّر بطبعاك وتصرفاتك رح أنسحب وبدون ما احكيلك لإنو ما في فايدة لوجودي بحياتك ; لانك ببساطة ما حاولت تتغير لو 1 % مشاني . أنا شخص مُمكن أتحمل غلطك مرّة مرّتين وعشرة و عشرين ، اتقبل منك تصرف سيء ، لكن بالمقابل بدّي تثبتلي إنك تغيرت وإنك رح تصلح كُل اغلاطك و م ترجع تغلط . " مُمكن أتحمّلك الف مرّة لو كُنت عنجد بدك تتغير "
انا كل مره بزعل فيها بقعد وبسأل حالي ليش بنزعل ع كلشي خسرناه مع انو المفروض ك أشخاص مؤمنين( بالقدر خيره وشره) انو نثبت عند المصائب والأحزان لانو ربنا بشر الصابرين بالجنه ان شاء الله والرضا من رب العالمين... ❤️في حدا فينا بدو اكتر من الجنه؟ كيف بنزعل؟ ما دام انت عارف انو ربنا ما بصرف عنك شيء أو ببعد عنك شخص إلا عشان منفعتك ومصلحتك وعشان يبعد عنك السوء.. تخيل انو ربنا الكريم العظيم الرحيم بحكيلك (واصبر لحكم ربك فإنك بأعيننا) بحكيلك اصبر بس، لانو هاي حكمته ❤️ . اه حكمته، وانا وانت وكل حدا بالدنيا جايين لأختبار ، هاي دار الاختبار...واسمها دنيا من الدنو يعني أنها ولا شيء ولا بتستاهل انك تزعل عشانها اصلا،،،، اذا بدك تزعل ازعل ع آخرتك... ازعل ع الاختبار يلي انت الان فيه ومش عارف تتصرف... الزعل يلي انت فيه الحل تبعه سهل، ركز منيح انت انسان عليك السعي والدعاء والباقي ع ربنا... لا الناس ولا المناصب ولا المال ولا اي شيء يستحق تزعل عشانو،،، كلو زائل، وما نحن إلا جنائز مؤجلة، فبلاش زعل ما في وقت بالعمر كتير، خلينا نرضا بالمقسوم ونشكر ربنا في السراء والضراء،،، ربنا ارحم الراحمين حاشاه أن يكسر قلباً أو يخذل عبداً ❤️ ربنا كريم لدرجة انو بعد هالزعل كلو رح تشوف عوض كتييير كبير... ع قد أملك ويقينك ربنا بعطيك...❤️ ❤️ ❤️