.
ضيوف...
تستقبلهم وتصادق انهم موجودين عندك وتكرمهم فى الصالون...
"مشاعرك المختلفة" كده اتعرف انه فيه ضيوف عندك.. وده شئ جميل لانه فيه وعى باللي بيحصلك...
ع حسب بقي بتحب/ي تتعاملي مع مشاعرك ازاي...
ناس بتحب تعمل نشاط بدني وبعدين تهدا وتقعد تحلل
تروح تفضفض مع صديق..
تدون اللي حاسه بيه وتفهم وتكلم روحها .. تفصص المشاعر دى .. هل هي موجوده فعلا ولا أنا اختلط عليا الامر .. مش بقول تقلل من مشاعرك، بالعكس أهلا وسهلا بس سعات لما نطلع برا روحنا ونبص علينا من بعيد، الرؤية بتوضح أكتر ..
جلسة صمت وميديتشين حلوة كده خاصه لو شخصيتك انطوائية...
أنفاس عميقة من أسفل الرئتين وتطلعهم بهدوء...
حمام دافى وتبتدى...
ايه اللي حفز كل المشاعر دى جوا.. السبب أو الموقف...
(سعات بحس انه اختلاط المشاعر بيبقي شعور أو اتنين عاملين زى البعبع لينا .. احنا مبنقدرش نواجههم أو بنخاف لاسبابنا الخاصة.. فبنروح نجتر مشاعر تانية، زى الفشار فى الحلة كده ع النار، عمالين نتنطط عشان نلغوش، فلو قدرنا نمسك البعبع هيسهل علينا الباقي .. وممكن ميكونش فيه بعبع عادى ..ده من عندى كده بالاحساس :D) ..
نكمل... ممكن موقف .. شئ مادى حواليك..
أى حافز أدى لاجترار المشاعر...
نصادق ونقبل انه فيه مشكلة .. نقعد نحلل وندور ع المشكلة وأسبابها .. ناخد وقتنا فى اننا نحل المشكلة ونحتوى الموقف بكل سلام...
وعادى، احنا انسان غلبان...
طبيعي نتوه ونتخبط وحبة هنا وحبة هناك واحنا فشار احنا فشار...
هون/ي ع روحك وطبطب/ي عليها واحتويها .. الطفل اللي جوانا سعات محتاج يتسمع ويهتم لأمره... وكل شئ بياخد وقت .. متقلقش/ متقلقيشي...
.
View more