نصيحة بسيطة لما تختلف او تتعارك مع حد عزيز عليك ويهمك أمره الغي فكرة أنك تكمل المشكلة على الماسنجر او بالرسائل لأنه ح تجيك جراة تقول أي شي لان مافيش مواجهة مباشر وح وتزيد تعمق الخلاف أما لو ما يهمكش أمره أن شاء الله تحذفه بصندلي مالي ومالكم !!
رأيكم يهمني : لو كنت أنت ليك خمسة سنين في الكلية ما عندكش انذارات ومعدلك مقبول ولكن اعطوك انذار لأنه أنت متأخر هلبا، وأنت رغبتك في التخصص هذا بتموت عليه حرفيا وسبب التأخير كان ظروفك الاسرية والحرب وكورونا وهكي وزيادة قبل النصفيات بأسبوع تصيرلك حاجة تخليك معاش حتى تحضر، هل تسيب وتشري صحتك والا تكمل؟
صحتى والقرايه نلحق عليها ولو فيها كيف نحاول نكملهم
الوسواس من الشيطان لو بتهتمي بيه يخليك تطلعي من عقلك طنشيه بس وما تنسيش الاذكار والصلاة عمود الدين ديري بالك اهم شي هذ حتى وسوسلك فى صلاتك ماتعدليش واذكري قبل الوظوء وقبل الصلاة وخلى تركيزك فى صلاتك ماتنشغليش بشي لا وسواس ولا غيره لان خطير نفس التافه حشاك اللى فى الشارع تعطيه وجه يمهزل بيك وينزل من قدرك لذالك طنشي بس وتوكلي على الله دوم
عادة يوميه انك تخش فى مود الحوش اغلبنا نحن الشباب كان وصل الحوش يا وكال يا نوم فيه تكسيده مع هلك فى تنظيف ترتيب هكى يعني فالحوش خليهم متعودين انك عندك لمسه فالشي هذا ووقتك يرجوك فيه مثلا يعني العادة تحاول تخليها داخل البيت عشان تزيد الالفه والمحبه وغيرها من اشياء كثيرة تكون قريب من خوتك تعلم عليهم كبيرهم وصغيره قريب من خواتك ناقصتهم حاجه يفضفضولك ما يحتجوش حد غريب هذين احسن شي وتتعود عليهم