مرحبا اتمنى تجاوبوني بصراحة جدا اني فسخت خطوبتي قبل اسبوعين ورة كومة مشاكل واذية صارتلي من خطيبي السابق وخطوبتنا مطولت بس شهرين بس هسة اهلي يكلولي انتي بعد محد يريدج وماكو واحد يريد بنية فاسخة، كلش دياذيني هالحجي اريد اعرف شكد نسبة الصحة بهالكلام وشكد ممكن يضرني بالمستقبل موضوع الفسخ؟
كلام غير صحيح لتفكرين بي
معليج بهذا الحجي
ابدا كل صحة ما اله تفائلي
بالعكس حبيبتي
لعد احسن تتزوجين وتطلكين؟
والخير فيما اختاره الله ماكو قسمة توكف بسبب خطوبة سابقة يعني اتطمني
في مكانٍ ما بنية صارلها نفس موقفج ما أتأذت ولاهزتها شعرة ،بالعكس من حجوا وياها هيج عفطت عليهم وگالت طز ، مشكلتهم همة مو مشكلتي !
ليش هيج ردة فعلها ؟ لأن مارابطة قيمتها الذاتية بالعلاقة الجانت عايشتها ! فمن راحت العلاقة ظلت محتفظة بقيمتها وثقتها بنفسها .
لا وفوگاها متيقنة انو أي احد يتركها لهيج سبب تافه سطحي حتكون مشكلته هو !
أما انتي عزيزتي ربطتي قيمتج وياه ، من راح هو صارت هالقيمة بالحضيض ، وتجلى هالشعور الداخلي بالخارج من خلال أمج الي تحسسج انو انتي هسة ولا شي .. فهمتي ؟
+ 7 💬 messages
read all
ماكو هيج حجي اهم شي ما داخل بيج الباقي غير مهم 👍🏻
لا يضر ولا شي عادي
انتي بعدج باكر لو لا ؟؟ حاليا
+ 2 💬 messages
read all
حاليا عايشين بمجتمع اغلبية الناس بي عقولهم مريضة بس مو معناهـا ماكو ناس صح الشخص الصح رح يشوفج ويعرفج ويحبج بكلشي بيج ويقدر كلشي مريتي بي بس تفائلي وخلي عندج أيمان بهالشي وحاولي تتخطين الكلام الي يحبطج بالأخير هوايـة اكو نـاس گلوبهم رحيمة 🖤..
اهلج حيزوجون بدالج حيعيشون وياه لا طبعا
يتحملون المشاكل اللي حتصير بعد الزواج بدالج لا طبعا
ف كلامهم مو صحيح
وحيجيج الاحسن 😊
