صديق ليا ساعات كنت بحس انه بيكنلي مشاعر و كدا و كنت بحاول اصده هو تقريبا فكر اني مش بحبه بس انا مكنتش بفكر في الموضوع عموما مش عايزه قلبي يتعلق بحد لكن دلوقتي انا حاسه اني محتاجه اتكلم معااه كثير اوووي حابه افهمه و اديلوا فرصه في نفس الوقت مش بعرف افتح كلام عشان كرامتي و كد اعمل اي بقي😂😂 عندي ٢٤
الكبرياء احيانا بيودي في داهية لو بتحبيه كلميه، العمر بيجري. 🤷♂️🌼
الإنسان بيتولد وبيبقي عنده خوف من حاجات معينه هم الظلام والمرتفعات، بيتغلب احيانا عليهم وأحيانا لأ، انا اتغلبت علي الظلام لكن المرتفعات مازالت تخيفني. 🤦♂️
سؤال صعب بس هتكلم.. انا /مصطفى محمد الصردي طالب بكلية الشريعة والقانون شعبة القانون بطنطا. عندي ٢٠ سنه وأصدقائي بيقولولي درش /صاصا🤨مبحبش صاصا دي الحقيقة، أصدقائي كثيرون بيقولو عني إني طيب جدا، لكن انا مش طيب ولا حاجه انا كاظم لغيظي دائما زي موسي الكاظم رضي الله عنه، هواياتي :زي اغلب الشباب بحب الكوره جدا وبحب العب كوره جدا (أهلاوي برشلوني)، بحب الموسيقي جدا وبحب فيروز وعمرو دياب، بحب الكتب وكتب الأدب تحديدا كاتبي المفضل هو دوستيفيسكي، ونجيب محفوظ. بحب الشعر كتييير العامودي والنثري، شعرائي المفضلين (امرؤ القيس، الاعشي، المتنبي)، اممم دي حاجات كتير عني لكن مش كل حاجه.