تمنيت يوما ان اري قبر فارغ كي افهم حقا ما هي مساحة قبري يوما ما :::: ومن حوالي 6 شهور او اكتر ... كنت ماشية انا و 2 اعز اصحابي معايا في الاراضي الزراعية وكانوا بيبنوا قبور جديدة ... بس خلصوا ومشيوا طلبت من اصحابي اننا نروح نشوف القبر قالولي لا بلاش قلتلهم لا هشوفه وسبتهم وروحت عند القبر الجديد ده بصيت عليه وكان لسه مش كامل البناءقابلتني عنده وحدة ست كبيرة ف السن طيبة اوي قالتلي ايه اللي جايبك هنا يابنتي وعايزه ايه قولتلها ابدا حضرتك انا كنت عاوزه اشوف القبر وكنت ببص عليه قالتلي طيب تعالي في قبرين احنا بانينهم جديد اهو وبناءهم خلصان قولتلها ماشي وفتحتلي واحد منهم ولقيت اصحابي وقفوا معايا وجم ليا شوفته اوي ودققت في تفاصيله لقيته صغير اوووي ومفيش فيه الا رمل وبس سألتها انتوا كده خلصتوا بنايه فيه مش هتحطوا فيه كمان حاجه علي الرمل قالت لا كده خلص مفيش حاجه بتتحط علي الرمل الا جسم الميتقالتلي ادخلي شوفيه من جوه .. خفت ... قلت لا مش مشكله انا شفته من بره خلاص مش لازم ادخله وقالتلي جمله لسه فاكراها ( اهو آخرت الانسان ايه غير تربة زي دي !! )قلتلها شكرا وسيبتها ومشيت مشيت انا واصحابي ساكتين لحد ما قطع السكوت ده صاحبتي وهي بتسال : ياتري مين فينا هيكون الاول ؟؟!!سكتنا ودعينا بحسن الخاتمة