اعمل كل حاجه بنفسك متستناش مساعده من حد علشان مفيش حد هيوصل معاك للاخر دوس على نفسك حتى لو هتفضل سنين ضاغط على نفسك سنين بس خليك فاكر انك هتبقا مرتاح بعد كده ادي الدنيا ظهرك ومتزعلش على حد اختار انه يخسرك.. متزعلش لما حد يطلع وحش معاك يمكن ربنا خلاك تقابل الوحش عشان لما تقابل الحلو تعرف قيمته.. لو مقدرتش الناس الي حواليك صح.. متزعلش لما يختفوا من حياتك... متزعلش على حد أصل لو خير كان بقي.. متزعلش على أن الناس بتفتكرك وقت المصلحة.. بس متنساش ساعتها ع أن انتا الوحيد اللي علي حق .. متزعلش لما حد يفهمك غلط كفايه ربنا وحده عارف نيتك.. متزعلش لما تلاقيك عملت خير ومحدش قدره، لما تفضل تحب فى ناس بتيجى عليك، لما فى عز خنقتك تلاقى نفسك لوحدك، لما تبقى شارى وانت متباع ربنا بيعوض.. متستنااش حاجة من حد عشان متزعلش نفسك في الاخر عشان في الاول وفي الاخر سواء زعلت أو مزعلتش مش هتفرق.. متزعلش لان مفيش حد على الأرض دي يستاهل انك تحول ملامحك من فرحة لملامح حزينة وكلها يأس.. لاني شايف إن اليأس في وجودك مالوش مكان من الحاجات اللي لازم تؤمن بيها إن ربنا بيعوض كل حاجة بحاجة غيرها ف طبطب على نفسك.. فرح نفسك بنفسك، ومتزعلش.. ادي الدنيا ظهرك ومتزعلش.. 🚶
امي علمتني اني مروحش بيت صاحبتي ال اخواتها الشباب موجودين فيه .. ولما ازور حد اكون خفيفه حتي لو قرايبي ، ودايما لسانها كان فيه اقعدي عدل ونزلي رجلك .. ولما حد يقعد معاها اقوم ومتدخلش ف الكلام ولو سمعت حاجه متخصنيش انسي اني سمعتها .. وعلمتني مقولش اشمعنا فلانه عندها وانا لا .. ولما ادخل بيت حد عيني متروحش شمال ولا يمين عشان كل بيت وليه حُرمته وحاجات كتير وتفاصيل بسيطه دايما كانت تاخد بالها منها ... شفاكي الله وعفاكي ي امي ..🙏❤️