الموت اسبابه المعروفة .. يا كريزى
لو جلطة بتبقى شمال المخ ..
او سكتة بتبقى ف نص القلب ..
او ممكن برضو تموت م الحزن ..
او ممكن فجأة تنام ماتقومش ..
جايز برصاصة تجيب اجلك ..
هيقولوا شهيد وهتتسيط ..
م الاخر قرر احسنلك ..
يا تموت عايش يا تعيش ميت ..
دة ف لحظة هتبقى بتتنفس ..
وف لحظة كمان هتكون ماتكونش .
المصحف فين ؟
- جنبك ع الرف
- وانا اصلا مين ؟
انا اصلي بتوه جدا جدا
لما بسيب ربنا و اختار
اني ابطل بالليل اسجد
لما بسيب المغرب يدن
وانا سامعه و بلعب ف السايبر
لما بخلي المصحف يبعد
كل ما ربنا اخر الليل
بينزلي الحبل بتاعه
مرة اتمسك .. مرة اسيب
مرة اتشعلق جامد جدا
فجأة الدنيا تاخدني .. فاسيب
فجأة تسيبني