أكبر أذى ممكن تسببه لإنسان، إنك تعلّقه بيك، وتسيطر على تفاصيل نفسيته وحياته، وتبدأ تؤذيه، ولما يحاول يطلّعك من حياته، يتفاجئ بإن حياته بقت فاضية تمامًا من غير وجودك فيها، حتى الوجود المؤذي ده كان بيدي لحاجات كتير طعم وقيمة! المعركة ساعتها بتبقى اتنين، والألم بيكون مُضاعَف، ألم الفُراق، وألم محاولة تكوين حياة جديدة بتفاصيل جديدة خالية من الطرف المؤذي، بعد ما يواجه الإحساس المرير بالوحدة؛ معركة طويلة وصعبة، مفيش منها مفر، ومفيهاش مُعين قد رحمة ربنا.