كل مرة كان بيتم ايذائي أو صدمتي ف حد مقرب كان بيفضل يتردد ف ذهني بيت ابن الفارض.. "إن كان منزلتي ف الحب عندكم ما قد رأيت فقد ضيعت أيامي".. بمنتهى الأسى والهوان والحزن ع مشاعري وعمري لأني شخص لغاية دلوقتي و رغم إيمانه المُطلق ب احنا فترات ف حياة بعض بس ف نفس الوقت مؤمنه إن احنا ف حياة بعض عشان نفضل ف حياة بعض! معنديش بردو مفهوم احبب حبيبك هونا ده حبي غامر وكاسح ولازم احس المشاعر لأخر فتفوتة ف قلبي وحاجة آخر غباء المهم إني لما بتجاوز الشعور السيء بستدرك إنه لأ أنا مضيعتش أيامي ولا حاجة بالعكس أنا كنت أنا .. بتعامل باللي بيمليه عليا قلبي ومش مطلوب مني اضمن نتايج ده مش مطلوب أحاسب نفسي ع تصرفات غيري أو عدم تقديره لمشاعري! الواحد مطلوب منه يبقى صادق ..صادق وبس مش مطلوب منه يضمن صدق الآخرين لما بتخطى الأمر.. بلاقيني اتعلمت شوية حزني كشفلي أمور اكتر كالعادة فبقيت يمكن انضج اكتر.. وبلاقيني بقدر قيمة العلاقات اكتر وبحب بصورة أعمق.. ف إن كان منزلتي ف الحب عندكم ما قد رأيت..ف مع السلامة.💕
وتشاء أنت من الأماني نجمة، ويشاء ربك أن يناولك القمر
وتشاء أنت من الحياة غنيمة، ويشاء ربك أن يسوق لك الدرر
وتظل تسعى جاهدا في همة، والله يعطي من يشاء إذا شكر 💛