والله أنا مبقبلش بالضعف ولا بحبه برده في أي حاجه بس دايما بيكون فيه استسناءات لأي شئ . فـ الإنسان ف الحاله دي بيكون ضعيف وهشٌ جدا بيكون عايز ال يطبطب علي قلبه عشان يقدر يقاوم ويرجع شغفه.. إنما لو قولتله انشف شوية ي هاني زي مبتقول كان هينشف خمس دقايق ويبقي استرونج مان وبعد عشر دقايق هيعيط لوحده تاني لأن دماغه وقلبه فاقدين الشغف وميتين ومفيهمش ذرة تفكير إيجابي لأنه ف حالة اكتئاب ومعندوش القدرة أنه يساعد نفسه .. إنما بطريقتي دي هو نشف فعلا بس عن اقتناع والمفروض أنه يقرر يرجع شغفه وقلبه تاني ويعيد حساباته وياخد الرسول صلى الله عليه وسلم قدوة له ويفرق بين حزنه ع حبيبته وبين أنه لازم يعيش الحياه من تاني زي م ربنا أمرنا🤎
مش بننسى للاسف احنا مش بننسى الحب بيبقى من قلبنا فعلا .. ربنا يعوضه خير
كله بيتعوض والله ، عقلك اللاواعي بيخزن افكارك وبناءا عليها بيسستم تفكيرك فبلاش مش هننسي والتفكير السلبي دا .. ربنا رحيم بينا جدا وبيعوض .. واخويا دلوقتي خاطب بنت ماشاءالله عليها جميلة ف كل حاجه وعلي خلق ودين وبيحبها جدا .. وعلي سبيل المثال " سيدنا النبي صلي الله عليه وسلم كان بيحب السيده خديجه جدا ومن بعدها حب السيده عائشه عادي جدا وكان بيدلعها ويدللها كمان وفى وصلة كانت ذُكرت من وصلات الغزل الزوجى بين الرسول صلى الله عليه وسلم لـ ستنا عائشه كان بيقول ل ستنا عائشة حبى لك كعقدة فى حبل، فتضحك هى ثم كلما مرت عليه سألته: كيف حال العقدة يا رسول الله؟ فيقول: كما هى... حب وغزل ودلال اهه !! ودا مثال بسيط هل هو كدا نسي السيده خديجة مثلا اكيد لأ بس حط كل حاجه ف مكانها عنده وفرق بين الحزن والحب واهه كان رسول الله وهما أمهات المؤمنين رضي الله عنهم .. مش أي حد زينا والسلام يعني ربنا بيعوض وبيرجع الحب ف قلوبنا تاني مع ناس تانيه بس اكيد كل شئ بأوان ولما احنا اللي تفتح الباب دا لنفسنا عشان ناخد الخطوة والفرصه دي وساعتها بنستشعر طعم العوض الجميل من ربنا بجد .. وربنا يرزقنا بأزواج وزوجات يصبو علينا الحب صبا كحب النبي صلى الله عليه وأمهات المؤمنين🌸