مرحبًا 💙💙 شوفي الحاجة اللي بتحبيها واعمليها .. وقتها مش هتحسي لا بتعب ولا ملل .. طوري من أفكارك ونفسك واشغلي وقتك مُستقبلك أهم من أي شئ ! فياريت ماتسمحيش لحاجة تعطلك .. هو مش هينفعك بحاجة .. ياريت تطلعي من هنا ع البلوك .. انقذي نفسك .. انتي شخصية طموحة والدوامة اللي داخلة عليها دي هتشدك لتحت مش فوق ! وهو أول واحد هيسيبك تغرقي ومش هيلتفت ! نجاحك بس المهم غير كدا شكليات وحوارات مالهاش لازمة .. هستناكِ تبشريني بإنك تخلصتي من الوهم دا + عايزاكِ الأولى ع الدفعة السنة دي 😌💙 ربنا يحفظك ويوفقك ويكتبلك الخير كله حيث كان ياحلو ")💙
مشوا الموضوع عشان خاطرها بس , من كام يوم كلمتني وحكتلي على حاجات كتير اكتشفتها فيه وانها هتفسخ الخطوبه واهلها فرحانين انها هتفسخها ربنا يعوضها خير ياارب.انا قصدي ان دلوقتي هي قالت رأيها رغم ان اهلها كانوا رافضين طلع كلامهم صح ف الاخر , ربنا يجبرنا ويراضينا ياارب ويفرح قلوبنا كلنا وانتي كمان ي جميل
ف الغالب فعلًا بيكونوا صح ") ! أنا كُنت بس بتكلم ف نُقطة إن الأمور تكون واضحة لجميع الأطراف .. بس مادام صليتي استخارة فأنا كدا اطمنت .. لإن مُقتنعة تمامًا إن صلاة الاستخارة بتوجه الشخص للخير وهو لا يدري ! المُهم بقى ماتفكريش ف اللي فات .. ماحدث ف الماضي يبقى ف الماضي ") وربك كريم رحيم وتدابيره أفضل من إختياراتنا حتى لو كُنا مش مُدركين ذلك .. يارب يراضيكم ياحبيبتي ويعوضكم خير عن قريب جدًا 💙
والله والله انا عارفة كل ده وعارفه انه حرق ف روحى وانا كل يوم بقول لنفسي نفس الكلام ده بالظبط وبجلد ف نفسي عشان انساه بس انا كل مبدعى يبعد عن بالي الاقيه بيقرب اكتر انا مش عارفة اي حكمة ربنا ف كده !والله انا عارفة انه مش شايفنى وممكن يبقي متعلق بحد تانى بس انا بدعى !بدعى كتير اوى وبطلب من ربى وبتمنى
ياحبيبي ! أنا مُشفقة عليكِ من الوهم واللّٰه ! خايفة ف يوم تصحي ع خبر خطوبته مثلًا ؟ وقتها هتعملي إيه ؟ أنا ف العادة مابحبش أفترض السوء .. بس ف الحالة دي بالذات افتراض السوء بيكون طوق نجاة من غرق مؤكد بعدين ! أنا مش بقولك ماتدعيش .. بس لو ينفع إنه بنفس إلحاحك ف الدعاء دا تدعي بالخير حيث كان مش بشخص معين ؟ هتلاقي فتح عظيم عليكِ من ربنا واللّٰه من كل ناحية .. يستي لو ماكانش هو .. هيكون حد تاني يحلي الأيام ف عينك ! هتقوليلي أنا مش عاوزه غيره ياآيات .. هقولك الدعاء هينزع من قلبك كل إحساس مش خير ليكِ وهيبدله باللي خير ليكِ 💙 فاهماني ؟ ماتوقفيش حياتك ع حد ولا ترهقي روحك ع عتبة الإنتظار والمجهول وكلمة مش يمكن ؟ صدقيني هتتعبي وهتستنزفي طاقتك ومشاعرك ف الهوا .. نفوق بقى ولا إيه ؟ استعيني باللّٰه كدا وربنا هيعينك ويقويكِ وهيراضيكِ واللّٰه ") 💙
ياحبيبي .. مبدئيًا كدا اللي ماتلاقهوش جنبك ف وقت ضيقتك إلا إذا كان عندهم عذرهم .. ماينفعش يتقال عليهم صُحاب ولا مُقربين ! دوري ع غيرهم .. الصُحبة الصالحة ف كل مكان .. حواليكِ كتير بس مش لاقية اللي تكونلك مصدر راحة؟ لو دورتي هتلاقي .. بس اخرجي من قوقعتك شوية شوية .. العزلة مطلوبة بس لفترة مؤقتة مش علطول علشان هتقلب باكتئاب ") مشاكل البيت .. سيبيها ع الله وبإذن الله ربنا ييسر لكم الحال ويصلحه .. الحاجات اللي مش بإيدك دي استعيني عليها بالدعاء وربك هيدبرها .. دراستك بقى يادكتورة 💙 المواد تقيلة بس انتي قدها .. ركزي حاليًا ع المواد اللي عندك والمنهج وكدا علشان ماتضغطيش نفسك .. ابدأي واحدة واحدة وهتلاقي الدنيا اتيسرت معاكِ جدًا .. مايهمكيش من حد .. واللي يبعد عنك هو الخسران خليكي متأكدة من كدا .. الشدة هي اللي بتغربل الناس من حوالينا .. علشان مش أي حد كدا ينفع يكون ف دايرة المُقربين ! عايزاكِ تفوقي كدا وتركزي ف مستقبلك وتذاكري حلو .. وتخلي نجاحك هو الحاجة الوحيدة اللي بتشغلك .. غير كدا شكليات .. عايزة تعيطي ؟ عيطي العياط بيطلع الطاقة السلبية اللي جواكي وبيخلي الروح خفيفة .. بصي للسما ف وقت من الليل هادي كدا وخدي نفس بعمق وطلعي كل اللي جواكي .. وحطي إيدك ع قلبك وغمضي عينك وقولي الله ارزقني الأمن والآمان والسكينة والإطمئنان .. هتحسي براحة جميلة بعدها 💙وأنا رفيق مَن لا رفيق له ") تعالي هنا كل ما تكوني مضايقة من أي حاجة .. واحكي ") حتى لو كان اللي مضايقك إنك عملتي شاي وطلع مش مظبوط "D لا عليكِ من الدنيا ومافيها ياصديقي 💙 ..وسلامتك من الضيق والخذلان والضعف والهوان ع الناس وقلة الحيلة .. ربنا ييسرلك أمرك ويبدل حزنك فرح وخوفك آمان ويجبرك جبر عظيم من عنده ويعوضك خيرًا كثيرًا ويوفقك ويُنير عتمتك ✨
ممكن تدعيلي ربنا يجعل نصيب بيني وبين الشخص اللي بتمناه هو مش شخص معين بس بصفات اللي بتمناها وبطلبها واترجاها من ربنا انتظرت كتير لحد ما تعبت بجد
ادعيلي واللي عندك يدعولي لعلها تكون ساعة استجابة ودعاءكم اقرب الي الله وشاكرة لكم جدا❤️🙏
اللّٰه يقر عينك ياحبيبتي بكل جميل ويعوض صبرك خير، ويرزقك بشخص يكونلك خير سند وعون ع الدنيا ") اللّٰه يجبرك وييسرلك أمرك ويكتبلك النصيب الحلو من كل حاجة 💙
طب بالله عليكى تدعيلي ي ايات ان ربنا يجمعنى بالي بتمناه ف الحلال قريبا عاجلا غير اجل ارجوكى ادعيلنا كتير انا بطلبه من ربنا كل ليله واحسبه ع خير بس حاسه ان الموضوع مستحيل هو دكتور وانا مهندسه بس هو من عيله راقية وانا من اسرة فقيره جدا معدومه ادعيلي ربنا يجمعنا ف حلاله
أبشري ياباشمُهندسة !💙💙 اللّٰه غالب على أمره .. مفيش حاجة مستحيلة .. يقول للشيء كُن فيكون ! ثُم إنك مش قليلة أبدًا ولا عايزاكِ تحسي كدا .. الماديات مش كل حاجة ! الفقر .. فقر عقول وقلوب ! إنما انتِ ماشاء اللّٰه مُهندسة أد الدنيا وع خُلق وقلبك جميل 💙 ربنا يجمعكم ف حلاله عاچلًا غير آچلًا يارب .. وييسرلكم الحال، ويقر قلبك بكل الخير ياحبيبتي 🌸✨