لو متقدم شخص كل مواصفاته بيرفكت بس اكبر مني بعشر سنين عادي ؟ السن الحاجه الوحيده اللي مخلياني مش قادره اخد قرار

💬️ Answer this question

Previous

mohmedashraf80’s Profile Photo
محمد اشرف
السؤال ده جيه لشخص الغلط والله سبحان الله 😔
لان من وجهة نظرى اى الميزة اللى عند واحد فرق بينى وبينه سنة سنتين تلات خمس عن واحد عشر سنين عادى جدا الفكرة فى المبادىء اللى هو اختارك ليها والمواصفات اللى انتى عايزها فيه بس
Cap_ahmed_999’s Profile Photo
Cap Ahmed
الجواز مش بالسن اصغر او اكبر بس بالقبول والتلاقي بين الارواح ولا يضر فرق السن ، فإن الحب لا يعرف الفارق بين الأعمار .. نصيحتي شوفي رأي اهلك ونظرتهم وخليهم يسألو عنه وتوكلى على الله لو شخص كويس وعنده دين واخلاق هيكرمك ويحافظ عليكي .. واذا متردده صلى صلاة استخاره وربنا يدلك على الخير ان شاء الله 🌺
mahaelhawary9’s Profile Photo
Maha Elhawary
كل واحد على حسب شخصيته فى النقطة دى ممكن انتى عادى عندك وممكن تتقبلى لو ده العيب الوحيد وممكن حد تانى يرفض
ameenbadawy’s Profile Photo
Ameen Badawy
هو السن عمرو ما كان عائق عن استمرار علاقه او فشل ف زواج ولينا ف الرسول عليه الصلاه و السلام اسوه لكن الاهم ان يكون في احتواء للطرفين من بعض و يكونوا علي درجه كافيه من النضج ياهلهم انهم يستمروا بتفاهم و تناغم في حياتهم …
النضج عمره ما كان بالعمر 👌
meraahmed
صلى استخارة مرة واتنين وعشرة اذا حاسة انك مرتاحة كملى لكن لو حسيتى انك مقفولة جدا يبقى خلاص وبردو انتى كدا كدا حتى لو حصل خطوبة دا فى الاول والاخر خطوبة يعنى تجربة هتقيم بيها اللى معاكى عشان تقدرى تحددى اذا الشخص فعلا ينفع تكملى معاه حياتك او لا
sarahmhashem’s Profile Photo
Sarah M. Hashem
هو كتير عشر سنين دا فرق اجيال وعقليات وتفكير ..دي الحاجه الوحيدة اللي ترجعلك انتي بقي يعني ممكن يكون اكبر منك بعشر سنين بس متفاهم جداا وبيعاملك بطريقه تناسب لسنك انتي كمان ..وممكن يحسسك بالفرق دا جدااً بأنه يعمل عليكي جو جدو الناضج اللي فاهم اكتر منك وانتي لسة طفله بالنسباله ف متعمليش متخرجيش متتكلميش وهكذا فطبعااً فرق السن دا مهم ولازم تفكري فيه يعني انتي مثلاً لو 25 ف هو 35 لما تبقي 30 هو هيكون 40 ف انتي هتكوني ف شبابك لسة وهو هيكون خلاص حس بزهد الحياة ففكري واستخيري وربنا يوفقك🌸

Next

Language: English

4.1

1,266,418 reviews
© Ask.fm 2024