لو هتكلم عن رأيي فأنا من سنتين بالظبط كنت شايفة إن فرق زي دا عادي بل بالعكس هيكون أحسن كمان من فروقات العمر الصغيرة بس شوية شوية بدأت تمر قدامي قصص فيها نفس الفرق و الأمر ما بين الأطراف اللي فيها مش أنجح حاجة و ليكن مثلا في المتوسط انتي ٢٠ و هو ٣٠ أول حاجة انتي هتبقى لسه في مطلع الشباب و منطلقة و مندفعة ع الحياة و عايزة لسه تبدأي تعيشي هو ممكن يكون خلص كل دا اصلا في فترة العشرينات فهيشوف إنك لما تطلبي منه مثلا أى حاجة زي كدا " اية دا هو احنا مش كبرنا ع الخروجات و الانطلاق و حماس البدايات و الفرهدة دي !" و هكذا بقى قيسي عليها حاجات كتير كل ما تبقي لسه يا دوب هتعيشيها هتلاقيه عداها و خلصها و مبقتش مبهرة بالنسباله فصراحة وجهة نظري اختلفت تماما في النقطة دي و بقيت مش محبذة لفرق السن الكبير زي كدا
مفيش حد كامل و لو زي ما بتقولي بيرفكت و فيه كل المواصفات اللي انتي عاوزاها و فرق السن بس هو اللي مخليكي متردده ف توكلي علي الله و اتخطبوا و اتعرفوا اكتر و هتشوفي ساعتها هل فرق السن هيعمل مشكله ولا لا