كل حاجه انتهت يا جماعه بصراحة اخترت راحت نفسي احنا مش بنرتبط علشان نتعب ونفكر ويكون الطرف التاني سبب تعبنا وزياده تفكيرنا مع انه المفروض يكون مستقرنا ووطنا اللي مهما الدنيا تيجي علينا يكون ملجانا الوحيد وللأسف طلعت انا اللي ضحكت عليها ووحش ومش كويس وكنت بضحك عليها وهي كويسه
أخترت نفسي ✋
ايووه هي دي المشكلة.."نرتبط"..موضة العصر كلمه بقت زي المايه اللي بنشربها شباب صغير و تلاقيه مش مبطل يرتبط و يفشكل و حاجة ف منتهى الاستنزاف للمشاعر ف وقت بدري جدا..عيشوا سنكوا و متجروش ورا الطرق اللي ربنا مبيحبهاش و مش بيبارك فيها
من كتر شعوري بالذنب ناحيتها أني ممكن اظلمها معايا وخصوصا ان الطريق قدامي طويل سيبتها كذا مره والنهاره قولتلها لاني فعلا مش قادر استحمل عذاب ضميري بس للأسف طلعتني أني بجرح مشاعرها وباجي على كرامتها انا من حبي ليها مش عاوز اتسبب لها في جرح كبير بسببي بعد كده لاني مش ضامن اللي جاي مش عارف اعمل ايه زعلت
استخير ربنا..و كون صريح معاها..الصراحة بتوجع ساعات بس أفضل بكتيير من الكذب و الأوهام..و لو نيتك خير ربنا هييسر و لو مفيش نصيب اكيد لازم توصلوا للمرحلة دي عشان كل واحد يقابل نصببه
التقدير..لما تقدرها ف اي حاجة بتعملها مهما كانت صغيرة و لو بكلمة..تعرف انه بالعكس اسهل حاجة ممكن تعملها انك ترضيها..الست بتفرح بأقل حاجة..بتفرح لما تلاقي اهتمامك بتفصلها اللي بتحبها..بتفرح بموقف صغير ظهر فيه خوفك عليها و حبك ليها ..بتفرح بوردة..بتفرح لفرحك تصدق