أيهما تفضل أن تفاجىء الآخرين بمفاجأة جميلة أم أن تجد مفاجأة جميلة من الآخرين؟
التنتين ?
سؤال. شو بتحكي لما تشوف حالك بالمراي??
اللهم كما حسّنت خَلقي فحسّن خُلُقي ?
هل تتوقع أن يتحسن حظك مع الايام ..؟
كل شي بيصير معنا هو نصيب مكتوب من ربنا ، فليه الواحد ما يكون متفائل أنه بأي لحظة ممكن ربنا يغير حاله ويحققله كل شي بيتمناه ?
دكتور طارق وش علاج الاكتئاب
والاكتئاب اذا تطور وش يجيب
لا غادرت شمس العصر والنور غاب
تصير الارض وكل ما فيها كئيب
في عقدي الثاني على عز الشباب
بغض النظر عن راسي المليان شيب
ابحتسب حزني على الله احتساب
قد قال في آياته "اني قريب"
وانا ادري انه يعرف ان عبده مصاب
وانه يشيل الحزن فالصدر الرحيب
?
انا مو دكتور طارق , وأظن السؤال واصل عندي بالغلط , بس بدي اعتبرك أخي وأنصحك نصيحة يمكن تفي بالغرض وتدعيلي .. بالبداية اعتزل ما يؤذيك , وإذا كانو الناس اعتزل الناس , حتى لو كانو اقرب الناس الك ومسببينلك اذى ابعد عنهم لحد ما تسترجع قواك .. ابعد عن كل مصدر للسلبية بحياتك لانها مو ناقصة .. امسك ورقة وقلم او على نوت التلفون واكتب كل اشي مدايقك , اكتب المواقف بالتفصيل بكل اشي فيها شو حسيت وشو حكيت وكل اشي ,اكتب كل مشكلة بتواجهها بحياتك , فرغ كل شي جواك بالكتابة لحتى ينتقل من اللاوعي بعقلك للوعي وتقدر تتخطاه .. واترك هاي الورقة .. وابدا من جديد اكتب الاشياء يلي نفسك تتحقق وتصير , الاشياء يلي ممكن ترجعلك الشغف للحياة, الاشياء يلي ممكن تسببلك السعادة , الامور الحلوة بحياتك وما بدك تخسرها وبدك تحافظ عليها .. وبعدها فكر كتير كيف ممكن تحقق الامور يلي بتخليك سعيد وبتطلعك من مرحلة الذبول يلي انت فيها , واكتب اهداف مربوطة بزمن وابدا حقق امور وانجح فيها .. واعرف يا اخي اولا واخيرا انه اصل السعادة وعلاج اي مرض في القلب هو القرب من ربنا , فإلجأ لرب البشر هو يلي ممكن بلحظة يغير الحال ويفرحك .. والله يفرج عن كل المسلمين همومهم يا رب ?
عرفلي السعادة .. انه ربنا موجود معنا دايما وبيحبنا وبيحمينا وبندعو بأي وقت وبفضفضله هاي سعادة .. انه نحنا على الدين الصحيح وعم نعمل شوية اعمال خير ونأمل نفوت فيها الجنة هاي سعادة .. انه ربنا معطينا صحة وعافية وقادرين ننام من دون مسكنات هاي سعادة .. وجود ناس بنحبهم وبيحبونا بنقدر نرتكز عليهم اذا تعبنا هاي سعادة .. المميزات يلي ربنا اعطاها لكل حدا فينا وبنقدر هيك نتميز وتبرز شخصيتنا ونحقق ذاتنا هاي سعادة .. الحب سعادة .. النجاح سعادة .. إسعاد الناس سعادة .. السعادة جوانا وحوالينا , موجودة بكل مكان .. احنا بنقرر يا بنبني جدران مرصوصة بينا وبينها يا اما بنفتحلها بوابنا ? فالسعادة قرار انه نشوف النعم ونفرح فيها ونحمد ربنا كتير عليها ونتناسى النقم ونصبر عليها وندعو ربنا يعينا عليها ..
ضلوا هيك ولا تخلوا اشي بهالكون يغيركم .. ربنا بيحبكم ودايما معكم إلجؤوله لما تصعب الدنيا بس ما تخلو التغيير واحد من الخيارات .. رزقك في هاي الدنيا هو نظافة قلبك وروحك الطيبة ?