شخص يتقبل عيوبي و سيئاتي قبل محاسني و ايجابياتي ، يكون واعي و متفهم و ما يدقق ع اتفه التفاصيل و يعمل مشاكل ، نقدر نتحمل بعض بأضيق و اسوء الظروف ، يكون رجال قد كلمته و اذا قال فعل ❤️
برأيي انه الحب وحده منو كافي ليبني علاقة رح تدوم لسنين ، لو مافي تفاهم و احترام بين الطرفين بأكدلك رح يمروا بأتعس علاقة زوجية حتى لو كانوا بيموتوا ببعض قبل الزواج !
بدك تطنش كتير لتكمل حياتك كلام الناس كبو وراك ما تثق بحدا بحدا ما تثقق ما تشكي ضعفك و حزنك الا لرب العالمين و اهم نصيحة انه الحياة " دوامة " كل شي رح تعمله رح يرجع عليك ، شي لا بد منه ❤️
لما الشب يفكر يرتبط ب بنت قوية الشخصية رح يلاقيها واعية وناضجة عندها أحلامها وطموحاتها خط أحمر و ألهن الأولوية بحياتها و أكبر بكتير من الحب أو من مجرد شخص ، مابتسمح لحدا يوقفها او يمنعها عن تحقيقها .. مابتسمح لحدا يتأمر عليها أو يفرض عليها شيء حتى أقرب الناس ألها ماعندها مانع تتخلى عن أي علاقة أجتماعية بسبيل حريتها و شخصيتها ، كلمة " انا الرجال " مابتمشي عليها .. وهاد الشيء هو هاجس أو كابوس لكتير شباب من الي بحبوا يسمعو كلمة " أمرك " فقط .. الكلام الحلو مهم بالنسبة ألها ، لكن الأهم أنو يرتبط بأفعال .. بتميل أكثر للي بيوقف جنبها وبيدفعها وبيسندها لتحقق أحلامها ، وللي بيعرف أيمتى يناقش ويكون العقل المدبر والمسؤول .. أحلامها معك رح تكون أكبر من كلمة " بحبك " و " أشتقتلك " وبعدا بيت وأسرة فقط .. صحيح هي صاحبة شخصية قوية لكن لو عرفت تستوطن عقلها قبل قلبها رح تحس أنك عايش مع حدا بنسبة كبيرة متكامل رح يغنيك عن كل شي حواليك ، ببساطة هي أنثى ما بيوم رح تمل منها ورح تكون الملاذ والسند البيوقف معك وقت تحتاجها ..❤️❤️