Space
مع الوقت وشوية بـ شوية وبالتجارب بيبقى عندك القدرة إنك تعرف إن إنت وفلان هتبقوا أصدقاء قريبين قدام وإن فلان جدع وإن فلان عارفك بس عشان مصلحته وإن فلان هيبيعك على أول ناصية وإن فلانة عكس ما هى مبينة.. هتفهم المجاملات المدهونة زواق ووراها حاجة، وهتفهم اللى طالعة من القلب حقيقى.. مع الوقت أكتر هتبقى عارف تدى إيه لـ مين و أمتى، وهتستوعب إنت مهم عند مين حتى لو ماتكلمتوش كتير .. فيه تفاصيل بسيطة بتحصل قدامك أو ما بتحصلش هى اللى بتخلّيك تشوف الناس من الأول على حقيقتهم ويستاهلوك ولا لأ.. مشوار حياتنا سواء كان طويل أو قصير ماينفعش نملاه بـ ناس كمالة عدد.. إدوا فرصة للى يستحقوا يكملوا معاكم فيه للآخر .. ما تخلّوش قلوبكم ونفوسكم مشاع لكل من هب ودب.. بلاش رمرمة ناس، وبلاش تخّلوا ناس تمرمطكم.
Liked by:
Farah
Abdallah Hassan
Mahmoud Azzam
wlwalaa♡'