﴿كَتَبَ رَبُّكُمْ عَلَى نَفْسِهِ الرَّحْمَةَ﴾.. و ده اللى مطمن الواحد إن مهما الأبواب إتقفلت أو التوهة زادت؛ بابه دايماً مفتوح.. يارب أجبر الخاطر برحمتك.💜💜
كلمونا عن آحلامكم اللى إتحققت والحاجات اللى كنتو شايفينها صعبة ومستحيلة وآصبحت واقع بتعيشوه دلوقتى ؟ ☺️
بعد موقف ما في حياتي "مفيش داعي لذكره "كنت فاكرة ان الحياة خلصت كده وانا مش هاعرف اعمل اي حاجة تاني ولا هاعرف افرح بس الواقع دلوقتي بيقول اني عملت حاجات كتيرة حلوة معملتهاش قبل ما الموقف ده يحصل وعرفت ناس كتير واتعلمت وعلمت كمان ❤ ومع ان بعد كل ده لما افتكر قراري في الموقف ده بستعجب ومش ببقي قادرة اتخيل اني عملت كده وجبت القوة منين ساعتها أصلا!! بس انا سعيدة ان ربنا قدرني وعملت كده وفخورة بنفسي جدا يعني واتمني ان كل العواطف اللي انا قولتها تفضل دايما متنهيش بالعكس تقوي 💙 نصيحة بقي الدنيا عمرها مابتقف احنا اللي بنقف ونقفها لكن لو كملنا هنلاقي اللي مكناش نتخيله فاكملوا يا جماعة عشان العيشة الحلوة تستاهل المعافرة ❤
لو انتي فكلية وجالك واحد معاه دبلوم هتوافقي بس بصراحة من غير مثالية
يعني من خبرات ناس أكبر انه مينفعش عشان بيبقي فيه احساس انه اقل منها فتحصل مشاكل أو هي تحس انها أعلي منه وهكذا يعني فالاحسن المناسب اكيد وبردو وجهات النظر بتختلف فيه ناس عادي وناس لا
محدش غاوي وجع قلب، نكد، وقريفة؛ بس إكتئابك أو إنشكاحك ليهم علاقة مباشرة بحتة إنت متحاوط بمين.. اللى جنبك بيطبع عليك.. فيه ناس بتشفط من وشك الحيوية، وناس مجرد قربك منهم يصغرك فى السن.. فيه ناس بتطفيك، وناس نورها يسرى منها فيك.
والذين ولدوا في العواصف 👋، لا
يخافون من هبوب الرياح ..
space ! 💡
زي ما بيقولوا " بُكره الكويس اللي راح هتقول بعدها عنه كويس إنه راح " ربنا اسمه " الحكيم والرحيم " ياخد منك شيء بتحبه بحكمته علشان يعوضك بأشياء تعشقها برحمته .. مُستحيل يترزع في وشك باب إلا لما ربنا يفتحلك في المقابل أبواب .. متيأسيش من رحمة ربنا هتُفرج من وسع .. القلم لما يتقصف بتبريه فيطلعله سن احسن واحلي فلما يتقصفلك حلم اتاكد ان ربنا هايديك الاحلي اللي يفرح قلبك ❤