كلمات كتير اغلبها كلمات تضايق بشيلها في نفسي لحد ما اثبت عكسها او اردها للشخص دا يعني مرة وأنا في ثانوي كنت بصور ورق في مكتبة فصاحب المكتبة دعالي وقلي يارب تبقي دكتور فهو اتريق على وقال دكتور ايه بس اللي هيبقاه دا فأنا سكت فصاحب المكتبة قاله ليه يبني ربنا قادر على كل شئ ان شاء الله هيبقى احسن حاجة شديت في مذاكرتي الحمد لله وتحديت نفسي ودخلت طب الحمد لله 💙👌
مرة رجعت من المدرسة ونسيت العجلة هناك روحت مشي مسافة تقرب من 3 كيلوا مش عارف ازاي نسيت اني رايح بدراجة لحد الان 😂😂😂 وكنا بنروح الصبح الساعة سته نفتح المدرسة مع العامل عشان نلعب كورة لحد بداية طابور الصباح ونخلص حصص ونفضل نلعب لحد 2 مثلا ونقفل المدرسة مع العامل ونمشي كل يوم كدا 😂😂
لما تقرر تبعد عن حد ابعد وانت متأكد انك مش ظالم وياسلام لو تبعد وانت مظلوم ابعد وانت مبتسم فى وشه كده من غير خناق ولا انتقام, صحيح هتصعب عليك نفسك وقتها عشان هيكون شايفك مش كويس وانه ندمان انه عرف حد زيك مش مهم, امشى وانت ساكت الزمن هيدور وهيقابل ناس كتير وكل حد هيقابله هيختلف معاه فى يوم, بس اللى هيختلف معاه مش هيبقى اصيل زيك, ساعتها كل موقف هيحصله هيفتكرك ويقول معملش فيا كده .. هيحن ليك فى كل مره اتكسر فيها من ناس تانيه وهيندم وانت هتكون سعيد جدا وراضى عن نفسك وانت شايف حقك بيجى قدام عينك من غير تعب ولا ارهاق لنفسك 👌
هو لازم تكون عارف صاحب الأكونت، ولا بتدي رأيك في الأكونت نفسه؟؟
اللي سألني عنهم كلهم اعرفهم في الحقيقة ونسبة كبيرة منهم اصحابي فقلت رأيي في الشخص نفسه لو سألني على حد على اسك معرفهوش اكيد هقول رأيي في الاكونت لاني مينفعش اقول رأيي في حد معرفهوش 👌