#فشة_خلق بعد يوم شغل طويل وتعب وأخد وعطا مع العالم ووجع راس ، بتحس أخر وقتك فارط عالآخر مالك خلق لشي غير انك ترجع عالبيت تلبس بيجامتك ، تغمض عيونك وترتاح ، بس المصيبة وقت تغمض عيونك أول شي ياحزرك شو بتشوف ! بتشوف الشخص يلي بنيت أحلامك معو وباعك بكل راحة ضمير بدون مايرفلو جفن ، نعم بتشوفو اول شي بخيالك اول ماتغمض عيونك ، لا ومو بس هيك ، بيمر شريط ذكرياتكو سوا بلمح البصر بين شي منيح وشي سيئ ، بين حنيتو ، وقسوتو بين صدقو وكذبو ، بين قلبك وبين عقلك بضيع كلشي افكار افكار افكار بتضرب ع عصب مخك بيصير كلشي فيك بيوجعك ماعد تعرف ترجع تقوم عشغلك لتنسى ولا تقضي هالليل دموع ! ياريت دموع ع شي مستاهل ياريت دموع ع شي رح يرجع الشي يلي راح ماعد يرجع لانو طلعت القسوة اكبرررر بكتير من الحب يلي كنت عم تمثلو ، بتعرف بس شو اصعب شي ! اصعب شي انو شخص مظلوم ينام ع مخدتو وهو وعم يبكي بحرقة قلب من الكذبة الكبيرة يلي كان عايش فيها معك ويدعي عليك من كل قلبو ، تخيل عم يدعي عليك انك تموت وانو يشوف فيك يوم ! وانو مو مسامحك، تخيل هاد الشخص نفسو يلي كان بيوم من الايام مايدعيلك الا بكل خير وانو الله يجمعكن سوا ، صار يدعي لحتى مايشوفك حتى بخيالو ، تخيل شو صعبة ! صعبة كتير ما ! وقبل النوم ومع غصة ودموع الله لايسامح حدا أذانا بكلمة او اكبر من كلمه