عاوزه اجيب بيت واستقل بذاتي وازرع ورد في البلكونه اصحي كل يوم اسقيه وانزل العب رياضه وارجع البس اركب عربيتي واروح الشغل اللي بقبض فيه ٣ مليون جنيه في الشهر .
اعمل ايه عشان ابطل تفكير واتخاطي شخص كان كل حياتي ومبقاش موجود ؟
اشغلي نفسك اتعلمي حاجه جديده اشتغلي ع نفسك ف حاجه بتحبيها متخليش عندك وقت فراغ هتبطلي تفكري بعد شوية هتلاقي نفسك نسيتي بس قبل كده دا خدي وقتك ف الحزن متحاوليش تتخطي المرحله دي من غير ما تعشيها
ف مواقع كتير بتقدم كورسات عندك كورسيرا وادراك و يوديمي وممكن تتابعي صفحه ع الفيس اسمها For your Brain بتنزل معلومات ومواقع كتير تقدري تاخدي من عليها الموقع وتسجلي وتبدأي🚶
تقريباً اكتر معاناة عندي ك شخص مش هادي وبنكش اللي حواليا وبضحك ٢٤ساعه أن أول ماابقي زعلانه البيت كله بيعرف والجيران وبتاع السوبر ماركت وعم عبده البواب وكل حد بيشوفني ف اليوم دا لأن بيبان ع وشي جامد وأسلوبي ف يبدأ كل اللي حواليا زعلانه مضايقه ؟ طب مالك ؟ ف اضايق اكتر 🙂🚶
مش محتاج تقنع نفسك هو كله هيعدي فعلاً بس متركزش معاه هتلاقيه بيعدي اسرع صعوبات الحياة بقي بالرضا طول ماانت راضي هتلاقي نفسك بتصبر وبتعدي وهتلاقي أن الصعوبات دي كمان بتستفاد منها وبتدرك قيمتها مع الوقت 🖤
الحنين أوقات كتير بيقسي عليك لدرجة انه يجبرك تحاول كمان مرة، وعلى النقيض الفترة الكبيرة الصعبة اللي مريت بيها (لوحدك) بتقولك أن المحاولة المرة الجاية لازم تكون منهم همامفيش أي ضرر من أنك تكون المبادر معظم الوقت لكن مش طول الوقت ، بيكون ضروري جدًا أنك تحس ان الحنين متبادل وقسوته كمان متبادله، وأن الأيام الصعبة اللي بتمر بيها دي في شخص تاني بيمر بأيام تشبهها ومهتم أن كل دا ينتهي، وأنك تكون موجود.
بيبقى هاين عليا أسقف بإيدي و رجلي لأي بنت بتعرف تبعد عن شخص مؤذي و تكمل حياتها من غيره و تبص للماضي بصة احتقار و تقول " معرفش أنا كانت دماغي فين " مش اللي تقولك I can fix him