أنا عندي مشكلة ، الناس شايفاني متدين جدا و ملتزم و طالب علم لأن سمتي الهدوء و ملابسي مرتبة و عادية و كدا . لكن و الله أنا غير كدا خالص أنا ليا ذنوب خلوات فظيعة و ساعات بفرط في كل حاجة حتى الصلاة و انا تعبت و الله تعبت أني الناس شايفاني مثالي و أنا حاسس حالي منافق ،حاولت أقنعهم بعكس كدا مقتنعوش💔
حاول تصلح من نفسك وذنوبك الاول قبل ما تحاول تقنعهم
ما تقنعش الناس ارضي ربك الأول وخليه اول اهتماماتك
متحاولش تقنعهم بعكس كدا
صلح اللي بينك وبين ربنا ، و ف الاول و الآخر انت بتعمل دا عشان نفسك مش عشان الناس
ربنا يصلح حالنا وحالك
وليه تقنعهم ده من جميل ستر الله عليك عشان يخجلك بستره فتعود له عودة المحب لمحبوبه الفقير لمليكه .
ستر ربنا عليم نعمة .
وكلنا أصحاب ذنوب ولولا ستر الله علينا لافتضحنا .
لا تجتهد الناس شيفاك ايه اجتهد ان يري الله منك كل خير .
رمضان فرصه للتغيير الجوري
ابدأ خد خطوة وربنا هيعينك ويفرح برجوعك ويبدل سيئاتك الصعبة دي لحسنات ..
احرص علي ما ينفعك واشغل نفسك بالحق كيلا تشغلك بالباطل .
املأ وقت فراغك بأي حاجة مفيد ..
الرجوع صعب شويه بس ممتع وانت بتجاهد .
ابدأ حط لنفسك خطة عمليه مشي عليها وقول لنفسك ( سأُري الله مني ما اصنع )
ولو وقعت نفض هدومك وقوم تاني . ( ان الله يحب التوابين )
يعني كثيري التوبه لأنهم كثيري الذنوب .
اسمع قرآن واحفظ .
حافظ علي التروايح
ياريت تشتغل دعوة ولو بتبليغ حديث او سنه .
احرص علي صحبة صالحة وصدقه سر .
صلي كل يوم ركعتين توبه واستغفر .
تابع الشيخ حازم شومان والشيخ سمير مصطفي هيفيدوك في المرحله دي .
وقبل هذا كله اسأله سبحانه المعونة والهدايه
ربنا يرضي عنكView more
طب ليه متاخدشي ده كأنه بشرة خير و تحاول تنتظم ف الصلاة و تحسن علاقتك بربنا بدل ما انت تاعب نفسك انك تفهمهم انك مش الشخص ده حاول تبقي الشخص ده.
عامة مفيش حد مثالي ف شخص بيغلط و يتعلم من أخطاءه و يحاول ميكررشي الخطأ تاني
دا ستر ربناا ليك انه يبينك جميل ومزيس برغم العكس ف انت اللي المفروض تعمله انك تجاهد نفسك عشان تبقا زي م هما شايفينك مش توضحلهم انك وحش .
+ كان أحد الصحابه لما يلاقي الناس بيمدحو فيه كان بيقول " اللهم اغفرلي مالايعلمون واجعلني خيراً مما يظنون " . 💚
دا مش نفاق دا ستر من ربنا
وكل بنى ادم خطاء وخير الخطائين التوابون
توب بس واستغفر ربنا واسأله الهداية والثبات ودوام الستر
يا اخي احمد ربك مجمل صورتك ادام الناس وساترك وده يديك فرصة بل فرص انك تراجع نفسك وتبطل تغلط خلواتك عاوز يقولك انه شايفك ومخليك جميل ادام الناس اتقيه بقى ، اصلح الله حالكم وحالنا✨🧡.
وكنت بتقعنهم بعكس كدا ازاي بقي يغالي بتروح تقولهم دا انا وانا وبعمل وبعمل؟ يعني ربنا ساترك وانت رايح تفضح نفسك جدع يفنان والله دا بدل م لما تسمع حاجه كويسه عنك وحتي لو مبتعملهاش تعملها وتتغير للاحسن مثلا!
مينفعش تقنع حد بالعكس لا اصلا الصوره اللي هما شايفينك بيها دي نعمه من ربنا إسمها الستر ربنا ساترك ازاي ترفض الستر دا الصح انك تصبح نفسك و تشكر ربنا علي نعمته
+ 2 💬 messages
read all
