هييجى عليك فترة هتلاقى الدنيا خبطت معاك بغباء وكل حاجة كانت معاك اتقلبت ضدك فجأة وناس كتير آوى بعدت آو يمكن كل الناس هتبعد ومش هيبقى منهم ولا واحد ، فى البداية هتزعل آوى بس بعد لما تنشف كده وتفوق هتعرف إن ربنا حطك فى الموقف ده عشان يبينهملك على حقيقتهم ويعرفك إن إنت مهما عرفت ناس ومهما كان حواليك من عزوة فانت وقت الشدة هتبقى لوحدك ومش هتلاقى حد يسندك غيره. فكونو الي الله اقرب❤️.
احب اقول حاجه بس للناس اللي لما بتزعل بتبعد .. ويتخانقوا بالاسابيع والشهور وميكلموش بعض ويعاندوا في بعض وتوصل يسيبوا بعض ويقسوا على بعض احب اقول ان اعمارنا في العد التنازلي يعني يانعيش كويس ونمسك ف اللي بيحبونا وبنحبهم ونعدي اي مشكله ونعاتب ونحل ونتمسك ببعض ومانقساش على بعض يا حد فينا هيرجع يندم وساعتها مش هيفيد اي ندم ولا اي احساس بالذنب كل اللي هتحسه في الوقت دا اد ايه بني آدم غبي ..
انت مش محتاج حد يعديك من المرحله اللي انت فيها أنت محتاج تثق ف نفسك وانك تقدر تعمل اي حاجه حتى لو كانت مستحيله أتعب على قد ما تقدر بس اوعى تقف وتهمد وتقول خلاص ده الأخر بتاعي إحنا ربنا خلقنا من غير آخر عشان كل ما نجتهد نوصل وكل ما نتعب نلاقي امسك ف الحاجه اللي بتحبها واتعب عشانها عشان ربنا يكافئك بيها ف الأخر واوعى تقول إن لو ليا نصيب ف حاجه هتجيلي مفيش حاجه هتجيلك وانت خايب وما بتاخدش أي خطوة تخليك تستاهل الحاجه دي وربنا يكرمكوا بكل حاجه بتتمنوها وتعبتوا عشانها ?
معظم اللي بيتغيروا في تعاملهم معانا مبيكونش بسبب تقصير مننا، بالعكس، إحنا مبنكونش في الصورة أساسًا.. اللي عاوز يفضل بيفضل، واللي عاوز يمشي بيمشي.. ده إحنا بنقصّر مع بعض القريبين لينا، وبيتمسكوا بينا أكتر.. إحنا محتاجين نرحم نفوسنا شوية، ونعتذرلها كتير أوي أوي عن اللي عملناه بإيدينا في روحنا.. أحيانًا بنفضل نلوم في روحنا على تقصير محصلش وعيوب وهمية فينا، لمجرد إننا نتجنب حقيقة بسيطة: محبوناش زي ما حبيناهم.. ويمكن محبوناش خالص.
نفسي ألاقي شخص اروحلو و انا زعلان و اتكلم معاه و ابقي متاكد انه هيسمعني و عنده استعداد يستحملني و ميملش مني و من كلامي و من طاقتي السلبيه الي انا نفسي مش طايقها نفسي اتعرف علي حد لما ابقي عايز ابقي لوحدي يبقي هو معايا و هو ده الي انا مرتاح بوجوده بس للاسف انا مبقتش بثق في حد
أخر فتره في حياتي بطلت أفرح بطلت اندهش بأي حاجه سواء دخول شخص حياتي او حاجه كان نفسي فيها و أشتريتها او مفاجأه حصلتلي من ناس بحبهم مفيش حاجه بقت بتحسسني اني فرحان و مبسوط و مش عارف انام من الفرحه بقت كل حاجه بتاخد نفس الريأكشن السكوت عارف انه مش طبيعي بس الدنيا بهتت في عنيا للأسف
- في فيلم Xلارج احمد حلمي كان عايز يتجوز دنيا سمير غانم وهو عمل معاها كل حاجه حلوه وفي الاخر سابته علشان كان عنده عيب انو تخين مع انو هو ماسبهاش لما كانت عندها عيوب كتير من ضمنها انها عصبيه واستغلاليه وبتاعه طلبات كتير وفعلا سابته علشان العيب ده وكان في اصعب ظروف وكان فعلا محتاجلها جدا...بس لما بعد عنها عرف ينزل من وزنه ويصلح عيب ده وقدر يثبت انو بيها او من غيرها قدر ينجح وينزل من وزنه...!! ولو تبص بقي في اخر الفليم هتلاقيه بيقولها مش فاكرك عارفيني بنفسك..انتي مين... ومتجوزهاش برضوا في الاخر.. الفكره من كل ده اللي ما واقفش جمبك في فتره احتياجك...ده اقسم بالله ما حبك ولا يعرف يعني ايه حب وحتي لو فكر انو يرجعلك قوله روح مكان ما كنت..!! الحاجه اما بتيجي متاخره بيبقي ملهاش لازمه اعرف قيمة اللي ف اديك قبل ما يضيع منگ ♥
أنا مبيفرقش معايا اني اكون مهم عند كل الناس ، بس بيفرق معايا اني أكون مهم ف حياه ناس معينة ، مبيفرقش معايا مين سأل ومين مسألش ، بس في ناس بحب أطمن علي مكانتي عندهم كل شويه ، انا مش من الناس ال بيفرحوا باللمه اللِ حواليهم وعدد الناس ف حياتهم قد مبكتفي بناس معينه ممكن يبقي هما كل حاجة بالنسبالي
عمري ما عملت بلوك لحد قريب مني وحاولت أراقبه من بعيد، يمكن لأني مبقدرش أمشي من حياة شخص بحبه إلا بعد ما يخرج مني تمامًا مش قسوة بس زُهد بحس إني معنديش حاجة تانية تتقدم، معنديش محاولات إضافية غالبًا لأني بحاول أدي فرص فرص كتير جدًا لدرجة إن اللي قُدامي يظن إن صبري لا نهائي ويمكن معنديش كرامة لغاية ما بوصل للحظة إني أتقفل وأمشي
خير ، متأكد إنك شوفت كتير وتحمّلت أكتر ، عارف إن الحياة مش مكان للرفاهية ولا أنت أساساً عندك طاقة للمُتعة ، حاسس بيك وشايف صبرك قرّب ينتهى ، جاى أقولك كمل وعافر أنت جامد وصدقنى أنت الوحيد ال مُدرك تعبك ال فات فبلاش تضيعه وتأكد يقيناً إن المستقبل هيكون أفضل ..
متوصلش الي قدامك لمرحلة "مش فارق" وبعدين تقول ده باعني، متحطش معاير للناس و الحب وبعدين تعيش وهمها، متفضلش تضغط علي الي قدامك و بعدين تشوف هيستحمل ل فين و تستني لحظة انسحابه وهو بيلم الي فاضل من روحه وتعيش دور الضحية و تقول مستحملنيش.
بقالي فترة كبيرة ماعنديش شغف لأي حاجة خالص ونفسي مسدودة عن الدنيا، مابقتش أنبهر بأي حاجة، مش بسأل ع حد ومش مستني حد يسأل عليا، فاتح الباب لأي حد يعرفني وأي حد عاوز يمشي مبمسِكش فيه، ماعنديش حد قُريب مني وأيامي كلها شبه بعضها ومافيهاش جديد، حالة كده من الفضا والبرود واللامُبالاة..
مش كره بس في ناس لو الزمن رجيع بيا تاني كنت هتمني من ربنا ان ميخلنيش اقابلهم او يزرع في قلبي ذره حب ليهم او يخلنيني اعرفهم، ومكنتش افكر حتي اني اتعامل معاهم
سبحان الله وبحمده سبحان الله العظيم بعدد ما كان وعدد ما يكون وبعدد الحركات والسكون. الحمد لله حمدًا كثيرًا طيبًا مباركًا فيه،حمدًا يليق بجلال وجهك وعظيم سلطانك. لا إله إلا أنت سبحانك إني كنت من الظالمين. رضيت بالله ربًا وبالإسلام دينًا وبمحمد صلي الله عليه وسلم نبيًا ورسولا. اللهم اغفر لنا وارحمنا?
أحنا بالوقت بنقدر نتجاوز الأشخاص ونتقبل عدم وجودهم و بنقدر نتجاوز حتى مشاعرنا تجاهم سواء حب أو كره،بس بنعطل عند الذكريات، مكان جمعنا أو أغنية؛ كلمة أتقالت بطريقة معينة أو موقف ما متنساش..بنكون اشبه ب اللي شايل كرتونة مش عارف يوديها فين لا هي زبالة تترمي و لا هي قيمة يتحافظ عليها.