مزبوط ، السوق حالياً مليء بالنمطية والتعدادية بالمباني ، مش مُهم المبنى ع قد ماهو مهم استغلاله مادياً
هاي قصة اكبر من شغلة توظيف حد، بلشنا ندخل بالفلسفة هههه عكلٍ، الاشي انو بدهم حد مستعد يشتغل كثير "ك رسام غالبا" وبراتب قليل، ومستوى شغل غير مرضي وما الى ذلك،، كله تحت مظلة حجج كال "الخبرة" وووو
تمام ، كيف تجربتك ك اسيستنت بالجامعة حلوة ولا كتير متعبة ؟
هلأ التجربة حلوة بشكل عام، وبكثير من جوانبها ،جو الجامعة ك جو عمل منيح، بس فكرة ان مجالنا مختلف عن باقي السوق بتضلها مقلقة، خاصة ان بالنهاية رح ننتقل لنشتغل بالسوق اللي هو بكل تفاصيله مختلف
الانطباع الأول .. مدى صدقه واستمرارع بحياتك عن الأمور من حولك والناس ؟
هو مجرد معلومة مش مؤكدة،بتخليك حذر نوعا ما، زي مثلا حد حكى معلومة عن حد، ما بتاخدها كأنها حقيقة مؤكدة بس كمان ما بتتجاهلها وكأنها كذبة بتعاملك مع هاد الشخص، بتضلها براسك وبتعطيك افتراضات