س1/ليه يوم قمت أعاملش نفس ما تعامليني ، قلتي اني تغيرت؟ 💡ما دريت والله اني بقعد ع المزاج اللي تبونه ،.. . . س2/ليه أنتي كذا ؟! 💡ترا محد يقعد ع حاله حن نمشي ف الدنيا و ندور للي ينضّج عقولنا و يفتحها للزين و ينمّيها ، مابقعد مثل اول يوم عرفتيني فيه ، سيري معي و اذا فيش خير لا توقفيني معش و الحقيني ان ما سرتي من البدايه ..
و لستُ أدري عنّي..! أبيتُ تصدِقي لي و كأني هَرِمتُ و انحدَرت .. حسناً : لِأكسر عظْمي ، و أستَعيد الطرِيق ، كمَا كنتُ على الشاطئ ، و لكن لستُ بِ الغرِيق ..
أبغى أعرف ،؟! المستشفيات ليه مسوينها يعني عنا ، اسره واجهزه و علاجات و غثا و كآبه .. و ف الاخير حبة مسكّن و مغذيه ظنيتها مويه ، وخلاص تشافيت .. احس لو يجي لي افتح مستشفى : ان احطه مكان كذا كله رسومات طبيعه و اشياء طبيعيه و خضار و روايح تنعش ، وسرير مريح بعيد كل البعد عن اسرتهم المعتاده ، و كذا كل غرفه تتطل ع مكان يفتح النفس ، يتوفر فيه كل ايجابيات الحياه ، ناس تضحك ناس بشوشه ، بعيد عن كل سلبي من ريح مسحات طبيه ولا معقمات حتى اللون الأبيض المغبر ، بجعله ابيض مزرّق و ألوان .. احس ما يزيد التعب ولا يخلي الحال يسوء الا اجواءه الكئيبه القايم عليها ف كل انحاء العالم ، اول العلاج يبدأ من داخل الشخص ، ثم يتفرع ف كل جزء بجسمه هو يعطي مسكن و يقول استمر عليه و راح شرك ، اكيد بيروح انا حطيت ف بالي ان ذا علاجي و بستمر وبتشافى ، احس المصابين بالسرطان يموت اغلبهم ، من اليأس اللي يسمعه ف كلمت ماله علاج ، عطه مسكن قل ذا علاج السرطان ، توكل على ربك و راح شرك ، بيمتلي من داخل عافيه وتفاؤل انه بيتشافى ، ثم بيتشافى .. مب قيام كيماوي وباقي لك كم شهر ، عااااب عادكم تحددون له عمره خلاص استحاله ما يموت ف ذاك الوقت استغفرالله ، لأنكم خليتوه يفكر ويدعي الموت ، الا من رحم ربي و عكس قولكم و عنزها ع واحد احد ، و عااااش و كمل حياته .. الانسان ضعيف خلقه ، ف لاتضعفونه ب هدمكم له باليأس و الحكى الشين ، املوووه ايجابيه وأمل و صدقوني ، ماعاد بتستقبلون ناس مريضه الا نااااادر .. طيب وانتوا ياناس فكروا فيها .. طيب وانا لازم افكر و اصحصح 🚶
غيم يعني أشياء حلوه و بيضاء تسعد العين و تريح القلب ؟! . . حياتي كلها غيوم ، 😄 ف خذيها ب عمري 22 سطر و اربع فاصلات من اخر سطر . ما أبالغ أبداً ، بس دايم ناخذ الزين و الشين نخليه لهله ، وامتلت حياتنا غيم و مطر ..
الخلعه😨لما جا وانا مب ف بيتنا اقلب غرير وبلا اتلصق ف اللي جنبي .. الاربعاء جا برق ، ف اختلعت ريم قلت يعننش اختلعتي ، ليه مايجي ف بيتكم مطر ؟! مامداني اكملها الا وذا رعد قوي ، و ف غير حس تعلقت كل ابي ف يد علا ، سألتني وقلبي قده بيخرج : وانتوا ياساره مايجي ف بيتكم مطر💔🙁 ها ذاك اليوم كل ما سمعت رعد مسكت بلوزة اللي جنبي وسحبتها صوبي ، حتى شسمها معرفها وكنت اكرها ومحد جنبي الا هي ، حبها قلبي ذيك الحزه واتلزّم ف بلوزتها واسحبها .. اصلا باين وجهي ذاك اليوم فرحان بخلعه .. ومطر الاثايبه ذاك القوي ، كنت لحاااااالي وقلبي يتعبرررر والسواق ماجاني الا خمسه اول ما وصلت البيت قعدت ابكي بيجي ساعه ، ظنيت بعده قمت اختلع من المطر اللي برا بيتنا بدون هلي .. اما قدني ف بيتنا والغران عندنا ، قعدت انكع معهم وعند الله خييييير عند الله خيير .. وبس والله عادني دقوقه😟🚶 مدري ذي تصرفات غرانيّه ولا شكاوي ..
الطقس عندي يقول ، الجو منعش + عاصفه رعديه 💜 لما جا مطر اليوم ب أعلمش وش بيسوي بنفسيتي ..🙏
ما هو أكثر شيء مبدع فعلته في حياتك؟
😕السواق يقول الجو ما يأهل للدوام ، والبنات محد كلمني الا انتي ، هاوش ودش ؟! شيعني اسحب على اختباري عشان الجو كله غيم ؟! فتحت الباب بغت تطلع روحي من زين النسم ، رغم الغبار بس براد وغيم يجيبون العافيه .. هاوش ودي ؟!🚶
-
😰شذا المنبه عنبطنم امه.. أول مره اسمع منبه و قيام انط على صوته أول شي صوته عادي واحسني ماسمعته من اول مادق لين دق الثاني ف عطفه ^مسرع كذبتني ، اختي تفكر حد يتصل علي تقول ساره قومي دق !؟ مدري من اللي دق معليكم منها مضججه .. المهم ان واحد نغمة الجوال الاساسيه والثاني نغمة المنبه تحاشروا الاثنين ، الجديد اللي نزلته ، شوضعه؟! انه يعطيش كم لغز تحلينه وان ماحليتيه صح موتي ولاهو بطافي ، انا ناسيه اني حطيته وامسك الجوال بنص عين وليني بذي المربعات ويقول راقب البطاقات ، تفوك عيني خلني افتحها زين ، واراقب البطاقات مادريت شالعلم ولينه بعد ثواني يخليني احل واضغط وش البطاقات اللي كان لونها ازرق ، طيب مدري قسم ؟! وليني بلغز ثاني اكتب اللي قدامك وانقليزي بعد كتبته خطأ وارجع جب لغز ثالث 😨 والله واستقعد له واحله وألعن ابو ام ابليس جابه ، طبعا ذا كله يصير وهو يصيح ماسكتت النغمه .. والأخت ف عناها ياساره دق قومي .. خذ عقلش ذا كله وتحسبيني راقده لي قدني ايش .. المهم اول مره اقوم كذا مصحصحه واحس ان قدلي خمس ساعات من صحيت .. قل اعوذ برب الفلق ..وبس والله 🚶
ملعون الفراغ و ما يقودنا له .. اكرهه كره عميق ، مثل كرهي للهدوء اللي يعم الجو فجأه ..يقودني لأشياء كثير ، منها تنظيف جوالي و لا ادور لي شي جديد ، بروح المطبخ و يمكن اقعد افكر ف مخططات مستقبليه .. وفيه فراغ نحسه يزاحم أبو داخلنا ، هو فراغ بس مانبى و لا شي و ممتغثين من كل شي ..
😩كنت امزح يوم حذفته و حطيت حق جواب الثاني فيذا ، الحمدلله محد شاف ..،احس اسك و يمكن كيك لأنه بيت الأسرار عندي ، واحس ولاشي عطيت فيه ذيك الكميه ، كل برنامج يجي له وقت نعطي فيييييه ثم نوقف للي بعده ، بس انا ماحبيت الا الاسك وما طلعت الا فيه ، حاليا مالي بشي صرت اجمع اصوات جميله و اشوف يوتيوب وذا ..^مزّن الاختصار ..
لا والله ، كل وقتي اللي تحت الضغط اكسر و اخرب لاشعوري .. يزلقون من يدي و من الذا شسوي هم طاحوا ! امي تصنج اذانيها مع كل شي ينكسر ف ذا اللحظه .. والله اذكر مره يمكن كسرت ف نفس الوقت ثلاث صحون وكاسين و كم فنجال .. فدا 💕
جبتي شي أحبه وقريت عنه واشتغلت بعد عليه وصرت اعرف اتعامل معه اكثر من قبل .. ، العقل الباطن هو أكثر جزء يستجيب لنا ، ف لازم نحذر و ننتبه وحن ننتقي كلامنا لأنفسنا و له .. العقل الباطن ماعنده شي اسمه كلمة لا ، يأخذ ما بعد ال لا و يسويه .. هذا يدل ع ان العقل الباطن يثبت لنا ، إن المستحيل مب موجود ، و كل شي بيصير ، و مافيه ف الحياه شي اسمه نفي و لا .. مثلاً قلتي الله لايحرمني منش 😕 الخبير بياخذها بدون لا ف بيتواجد الحرمان ف السالفه .. هو أي شي تقولينه ياخذه ويفسره ويبرمجه ، ف حاولي يكون كلامش اكثر ايجابيه ، لا قلتي أبغى فلوس هنا العقل الباطن بيتربمج على انه ماعندش فلوس قلتي ابغى يعني بينتي له انش محرومه من هالشي ، ف بيزيد الحرمان .. لكن لو أمتنّيتي لدخلش الشهري او لريال عندش وللناس الأثرياء وانهم يستحقون اموالهم ، كذا بتجذبين المال من كل مكان .. ابداً لا ترسلين لعقلش انش محرومه منذا الشي وتبينه لا ، ارسلي له انش ممتنه للي عندش وتستحقين كل شي ززين عشان يتجلى ف حياتش أكثر .. العقل الباطن هو جزء لاواعي دايماً شغال دايم ف حركه ، هو ع الأغلب اللي يضبط امورنا ويمشي حياتنا ، لأن هو الجزء المسؤول عن داخلي وايش ابى ، هو يجذب و ينفر .. أول ما تصحين من النوم وترسلين له رساله ايجابيه على ان اليوم جميل و مريح وخفيف ، خلاص تم ذا اليوم وانتي رسمتيه لش .. بس العكس و صحيتي مثلاً و ع طول فكرتي بشي شين ف خلاص بيتبرمج لش ذاك اليوم كله .. بعقلش الباطن تقدرين تكونين وتصيرين اللي تبين ، تقدرين تكوّنين لش البيئه والجو اللي تبينه .. نفسش انش تنحفين ، ارسلي رسايل لعقلش الباطن ان جسمش متناسق و مناسب لعمرش و طولش ، امتني له وخلاص عقلش بيبدأ يحرق السعرات الحراريه ع حسب الكلام اللي قلتيه ، وحتى ممكن ترسلين له رقم وزن محدد وبيوصلش له .. ، تأثيره علينا ، تأثير كامممممل من كل الجهات ، هو المسيطر والمطيع .. ^حسيت ودي اتكلم اكثر عنه بس ذا يكفي ان شالله 💕
، الصمت اللي بدون سابق انذار ، أتعب صمت ..! لا هو اللي يخليش تكملين اللي ف يدش و لا هو اللي يخليش تكملين وضعش عادي مع الناس .. مب ضيقه لا ، بس كذا انتي و نفسش و مب ف حاله زينه ، يعني تفكير و محاسبه و تغيير أشياء وحاجات كثير ، تخليش و كأنش منهكه بعد يوم كامل أشغال ، و هو لا .. حتى ب الكلام عنه يتعبش لعجز وصفه 🚶
كانوا بيتحاشرون اثنين ، ثم جا شي كذا ف واجهة القلب مدري هو احساس مدري شعور ، رسم شي ف البال و نحته ف القلب و خلا واحد يغلب الثاني ..^كذا زبدة السالفه ، يعني فيه تفاعلات فيزيائيه معقده تخلي الأجدر هو اللي يغلب ..و تبين زبدة الزبده : الحب لشخص واحد فقط ، ف لا تحاولين تحبين اي شخص ، لأن صعب جداْ نزعه ف حال حكمت الظروف ..
ماني ألكح حنين ولا ذكريات والله ، احس قلبي يرفرف للمطر وصوته وشكل الغيم والجبال انتظرها تسيل ، وكل شي يعني علاقة المطر عندي مرتبطه بالتأمل و الراحه .. الحنين والذكريات وقت المطر للي ما يبى لنفسه الراحه و يحب يعنيها ويربط كل شي زين ب شي يوجع ، حتى لو حن لاشياء زينه وتذكرها يبقى مهمل للراحه اللي يبعثها ذا الجو وألتهى بداخله والتفكير ، و الخارج كان بمثابة جنه وكذا فرحة ملاهي ..!🚶
بنات الحين برنامج مفردات نجرانيه اللي على قناه الأخدود هو من جده قعدت عليه ماعرفت ولا كلمه ولا عرفت طلع معناها غير عن اللي اعرفه ؟؟!!!
العلة فيني ولا فيه ؟؟!
ماشفته ، امي كانت اتابع حفل بن الذيب والامطار ف الصحراء ..😁 ولاني اتابعه اصلاً ، و امي اللي يمغثها تسحب عليه ومن حكى البنات انه يمغث ..! اشياء كثير ف القناه شفتها خلتني محبها الا حزت المناسبات او الجولات ف نجران ، ذا الزين فيها ولا قد طرت فيها اول ما انفتحت ..
لاتختبرين الكتروني يومين ورا بعض بينحشر تعب الاسبوع كله ف ذا اليومين ، حتى لو جات الذي جاهزه لابد من التعب و أوفر ..كلمه تستحين منها بديها ، لاتخلين ف كبدش شي اندفعي وماجاش ف وجهي ..حاولي دايماً اتفكرين و اتأملين كل شي حولش ، من كائنات وجمادات وكل شي خلقه ربي ، السالفه فيها شي حلو و يجبرش تبتسمين .. سبحانه💕دايماً اشكري الكل ع كل شششي ، العظيم منها و التافه كثر الشكر والامتنان يملأ حياتنا أشياء جممميله ..
الحلم ، هو كل مافي عقلش الباطن من مخاوف او افكار او ناس .. مرات نفكر بالشخص ونكون فاقدينه ف نحلم به و لما قده معنا خلاص تقل احلامنا عنه : جربتها مع وحده كنت كل داييم احلم بها يوم ذا ف خلاص .. و مرات يكون الشخص خايف من شي يصير او حاجه معينه ف يحلم بها ..- زبدة الحلم : هو عرض مسرحي لأشياء داخل داخلنا ، و مرات يكون ساعي بريد يوصل رسايل ..