لو مبحبش السمار وقدامى عروسة كل حاجه فيها كويسه وانا متقبل بس خايف بعد فترة اتضايق من سمارها اتقدملها ولا لا
لا .. خليك زي الشاطر كدا طالما مش متقبل حاجة متروحش
لي الولاد مش بتطلع مضروره م العلاقه ع عكس البنت بتبقا متدمره نفسيا
و ايه كمان حضرتك فاهماه غلط؟
اتقدملي شخص خريج كليه كويسه وكويس ماديا ومحترم ف مميزات كتير بس رفضته عشان مبيصليش ومش ملتزم دينيا وانا عكسه تماما ملتزمة ولابسه نقاب متأكدة إن عملت الصح بس أهلي زعلانين وعاملين مشكله معايا وعاوزني اقلع النقاب مفكرين ان هو السبب ف رفضي للعرسان واني متشدده وعايشه طول الوقت في ضغط واكتئاب بسببهم
النقاب مش فرض .. و دا اختيارك انك رفضتي الي متقدملك .. كذلك النقاب اختيارك .. و انتي حرة .. طالما مبسوطة بيه خلاص
لا .. هتظر عادي و خلاص .. لأي حد متحدد بس مش هيعرف انه مقصود
فيها اي لو نرجع تاني
فيها قرار غلط
جايلى عريس معرفهوش اوى وامه وابوه كانو بيدرسولى فى اعداى و مكنتش بحب طريقتهم ولا برتحلهم و اخته برضو متعاملتش معاها بس كنت بسمع عنها كلام مريحنيش برضو ، انا دلوقتى خلصت كلية و مشفتوهمش من زمان فهل ادى نفسى و اديله فرصه ولا الجواب باين من عنوانه ؟
احساس زبالة لما يكون في حد عندك مش بيرد غير لما بتبعتله رسالة تشد الانتباه و كل مرة تحاول تألف صيغة رسالة عشان تشد انتباهه غير كدا مش هيعبرك
سيبك من الشخصيات دي
حمزة نمره قال ايه!
لكن هعود ازاي و مكاني كله ضيوف ؟
تخيل لو اكتشفت ان الأرض مش الكوكب الوحيد اللي صالح للحياة وفي عوالم تانية صالحة وفيها مقومات اكتر من كوكب الأرض نفسه وتخيل لو معاك مركبة فضائية بتمسي بسرعة الضوء وتوصل للكواكب القريبة في دقايق بسيطة والبعيدة في شهور
انا طالب جامعه ونظارتي اتكسرت للاسف من يومين وللاسف انا خالي الي بيصرف عليا فلو قلتله عايزة نظارة هيقولي عيش من غيرها وانا حرفيا مبعرفش اشوف من غيرها فلو حضرتك تقدري تساعديني وان شاء الله في اقرب فرصه اجيب واحده هرجع لحضرتك الفلوس
و ايه كمان 🙂
جماعة لو متقدملى شخص فى اهم حاجه كنت بحلم بيها فيها شريك حياتى انه حافظ القرآن او ع الاقل مش هاجره + اساسى طبعا انه مش بيفوت فرض اللهم بارك. المشكله بقى فى حاجه انا حاليا هكون اعلى منه ف حياتى ف شغلى وحالتى الاجتماعيه هو حاليا لسه معندوش مصدر رزق وعنده جيش لسه اعمل ايه؟!🥺💔
المفروض نمشي ورا الدين ولا ورا مشاعرنا ولا ورا معايير المجتمع؟
الدين هو اساس المعايير و اقيمها .. مشاعرنا دي لما نحب و كمان ربنا هو الي وهبنا المشاعر دي .. معايير المجتمع ممكن تبقي غلط .. لأن الناس بتتغير
انا بشتغل ووصلت للماجستير ومش حاسة بأي انجاز في حياتي كوني لسه متجوزتش والمشكلةالأكبر اني شايفة الإنجاز الاعظم اللي ممكن اعمله هو اني اتجوز،واني لو متجوزتش هعيش فيالتعاسة دي ازاي بقية عمري،الموضوع ده بيأذيني نفسياومخليني مضايقةطول الوقت ومش مستمتعة بأي حاجة عندي 30سنة،أعمل إيه يخرجني من الدوامة دي؟
عندي ٢٨ سنة و ماعنديش شقة تمليك مرتبي ٦٥٠٠ معاية ثمن الشبكة ومبلغ كمان محوشه بس مش كبير أخطب ولا أستني، أرجوا النصيحة ❤
حط شروط لنفسك و وقت كويس .. يعني لو هتخطب ...دور ع ناس طيبين من مستواك .. عشان لما تعرض عليهم مثلا انك بتكون نفسك يقبلوا .. كذلك اختار شخصية مناسبة ليك .. و انت شكلك ابن ناس و محترم و ربنا هيكرمك من وسع
نملى فراغ عاطفي ازاي
بالشغل .. نشتغل ع نفسنا و نشغل وقتنا و نكبر و ننضج
امي من شويه بتقولي انت ملكش لزمه ف البيت وملكش رأي مع اني مقصرتش ف حق البيت وانا الكبير 💔 مبقتش عارف اعمل اي وانا اصلا مخنوق وجايب أخرى ولسه ف الجيش يدوب نزلت اجازه وقالت كده
ارجع الجيش و متنزلش اجازات .. واتعامل معاهم بالود و متردش ع كلامهم الي زي دا .. خاصمهم لأجل الصلح .. عشان يعرفوا ان دا غلط ..و فهمهم .. و اشتغل و شيل مسئولية نفسك
هو لو الواحد متخرج بقاله اربع شهور ومش لاقي شغل المفروض يعمل ايه
يدور تاني و تالت و يتدرب و يعلم نفسه حاجة تشغله
انا مخنوقه اوي🥺
بسبب ايه لو اقدر اساعد ؟
مش عارفة المفروض اعمل اي بس انا عايزة ارجع للاكس مع أن ف حياتي حد دلوقتي انا بجد مرهقة
افتكري انفصلتوا ليه
يلا لودو 🧡👀
مش بلعب اللعبة دي
المركب ال ب ريسين بتغرق امال المركب ال كلها عاوزين يبقو ريييسين المركب هتعمل ايه
المركب بتمشي ب ريس واحد .. و الناس عليها .. أهو المركب دي بقي الناس هتعوم و المركب عليهم
كنت وما زلت مش قادر أحب بقلبي
كان لازم أخطب ف تخيرت بعقلي بعد الاستخارة
وخطبت بنت أحسبها على خير
وبعد الخطوبة بضوابطها قدر المستطاع بفضل الله قلبي كما هو مفيش حاجة اتغيرت
دي حاجة طبيعية ؟
عالج نفسك و قلبك قبل ما.تخش علاقة مع حد .. بلاش تبهدل حد معاك و تعلقه بيك و تديه طموح زائف .. كدا انت هتبقي شخصية سيئة في رواية احدهم
لو بينك وبين حد مشاكل كتير ومش عارف ازاي تبدأ معاه كلام ، اي العمل ..؟
هكتبلك حاجة تقتبس منها او افهم مغزاها .. الي صديقي العزيز تحية طيبة و بعد .. برغم ما نمر به من مواقف و مصائب .. فإعلم انك صديقي و ربما اشتد بيننا ما اشتد .. و أغلقنا كل الأبواب .. لازلنا اصدقاء .. احدثك الحقيقة انني افتقدك .. و لا استطيع ان أعدك بأن تنتهي الخلافات .. لكن ما قد تأكدت منه .. اننا لازلنا أصدقاء الي نهاية الطريق لا أعلم بما تشعر .. لكنني أظن الخير اننا اصدقاء .. والله بقي رد عليك رد كويس فدا صاحبك او ايا كان صفته .. لو مردش و طنشك فهو ابن وسخة
ازاي الانسان يتخطي التفكير السلبي؟
بالتفكير الإيجابي و ادراك الواقع
مين صاحي👀
الناس صاحية
والله كتير كدا ياجدعان
كتير؟
دعنا نتشارك انجازك ف الحياه الليله معا
إنجازي ممم ... أحد انجازاتي اني لسه عايش مخلص كلية سليم نفسيا وومرتاح و بشكر ربنا و لسه عندي طموح و هدف
٢٤سنة ومعنديش ولا صديق ولا صديقة🥺
يعني ايه كلمة صحاب بالنسبالك ؟ عشان ممكن يبقي عندك صحاب و مش واخدة بالك ..
Give me the last song you listened to?
You wouldn't like but check this (we could have been together) Enjoy