متقدملي واحد حرفيا هو فيه كل الصفات الحلوه ومفيش حاجه تعيبه خالص بس المشكله اني لسه خارجه من علاقه حاسه اني مشتته وتايهه جدا بس هو المفروض هينزل من سفره على اول ١٢ ف انا محتاره بجد اعمل ايه ؟
انا٢٨ سنه اتخطبت لشاب ٢٩ سنه بقلنا شهرين بس حصل انه قلي كلام زعلني بعدها فضل ٥ ايام يصالحني ويقلي مالك كنت برد من غير نفس اليوم السادس بعتلي مش قادر اكمل ربنا يوفقك بعتله كلام لوم وعتاب وعملته بلوك حاول يكلمني واتس من رقم تاني عملته بلوك هو قمر خليت ماما تكلمه مردش عليها اعمل ايه 🤔 عايزه ارجع
هيرجع ازاى بقى بالبلوكات دى .. الناس بقى خلقها قد كدا خدى بالك 🤏
ازاي اعرف خطيبي بيكلم حد تاني او ف حد موجود ف حياته ولي لا , عندي فوبيا من الاحداث الا بشوفها حوليا احيانا بحس أنه ممكن يكون بيكلم حد وخاطبني عادي , ايه العلامات الا ممكن يعملها اقدر احدد منها دا خايفه اظلمه أو اظلم نفسي .. )
متفكريش ف الحاجات دى عشان ميوصلش لوسواس حقيقى وتدمرى حياتك .. المهم انك تكونى بتعملى ال عليكى والمهم انك تعرفى الشخصيه ال بتتعاملى معاها وتركزى وسيبك من الافكار دى
للأسف أنا مبقدرش أتخطى غياب حد كان في حياتي بسهولة ، أنا بتعلق بالناس بشكل طفولي ، وبتأثر برحيلهم عني ودي الحقيقة ، لإني مبيهونش عليا العشرة ، ولا الذكريات ، ولا الأيام .. وللأسف تاني ! أنا آخر حد ممكن ينسى .
واحد اعجب بيا وكان شايفني احسن واحدة بنجاحي وجمالي والمفروض انه كان هيتقدملي دلوقتي مبقاش يكلمني بحجة انه مشغول ومكلمنيش في الموضوع تاني وفي عريس متقدملي وعايزني اعد معاه اعمل ايه؟؟؟ انا محتاجة رأيكو بجد ساعدوني
أما تواجهيه لاخر مره او تنسى الموضوع دا وتشوفى ال متقدم مناسب او لاء وتقعدى معاه
غريبه الحياه وقت ما بتشتاق وجود حدبيكون ساعتها مش موجود ووقت ما بتنطفى ونارك بتخمد بيرجعوا ليك يشتاقولك للاسف مفيش حاجه بتقدر تصحى قلب سكن ف قلبه الضلمه .. القلب بقى شبه القبر وال حواليك يزوروك ويتكلموا بس لا بتقدر ترجع ولا بتقدر تخرج بره قبرك