"... و حتى و إن كبرت و لم تعد صغيرتى المدللة ، فهى لا تزال محبوبتى التى أعشق منذ الصغر ... و التى أفعل أى شئ فى سبيل إسعادها و التى لا زلت مشتاقا إليها أكثر من أى شخص آخر ... و التى يجب أن أقربها منى أكثر من أى وقت مضى ... فهى ... صغيرتى الحبيبة المدللة ... حلم حياتى الأول ... محبوبتى منذ الطفولة ... قد كبرت أخيرا ..." #أنت_لى #منى_المرشود
هل تكلم نفسك؟
أكتر من أى حد تانى .. ممكن يبقى بسبب السن أو "المرحلة العمرية" بلفظ علماء النفس .. و ممكن يبقى بسبب بعض الأفكار الطارئة و الأسئلة الجهنمية اللى بتيجى ف دماغى و بناقشها مع نفسى .. و ممكن كمان يبقى بسبب المستقبل أو بعض الأحداث اللى هاتحصل ف المستقبل و اللى باتحرك ناحيتها من دلوقت :) #ربنا_كريم
من غير عتاب .. هايفضل الخطأ موجود من غير ما يتم تصويبه .. #لازم_أتقبل_العتاب أصلى ممكن أبقى غلطان و مش ملاحظ .. و ممكن أبقى عندى حق و اللى بيعاتبنى مش ملاحظ #العتاب_بينفع_الطرفين
إذا كان بإمكانك الحصول على قوة خارقة واحدة، فماذا ستختار؟
كنت أتمنى أبقى زى Wolverine ! مش عارف ليه هوه بالذات .. بس زمان فى ابتدائى .. لما كنت بابقى راكب عربية و راجع من المدرسة .. كنت بأطلع إيدى من الشباك و أتخيل خروج "أنصال حديدية" منها فجأة و ذهول الجميع O_o كنت بأتخيل نفسى و أنا بأغرز "الأنصال" دى فى الأرض علشان العربية تقف .. كان فيه معركة دايمة جوه دماغى بينى و بين العربية .. كنت بأتخيل الهواء و هوه بيساعد العربية ضدى .. كنت بأتخيل العربية بتنتصر و "أنصالى" بتتكسّر .. كنت متخيل الألم و عايشه بجد :) #أيام_طفولة_بجد #عربية_جدو_عاطف #لا_تخرج_قبل_أن_تقول_الله_يرحمه