من الضمن الصفات اللى مقتنع إن مفيش "راجل" من غيرها .. صفة "رفض المفروض" يعنى م الآخر عدم عملك لأى حاجة مفروضة عليك و انت مش مقتنع بيها .. ده ظهر أوى السنة دى .. لإنى معرفتكش قبلها :D ببساطة .. لما حسيت إن جروب الدفعة بقى الأدمن بتاعه يستغله لمصلحته عملت جروب دفعة تانى خدم طلاب أكتر .. هم عملوا موقع و طبعوا ورق و دفعوا فلوس .. و انت كسبتهم بشوية صور للورق بترفعهم على جروب مدفعتش فيه مليم .. و انت خدت ف ده الfull mark فعلا .. ببساطة .. أنا كطالب كنت أغلب ليالى الامتحانات قاعد قدام #الورق_إياه و مش بأذاكر :D .. يعنى انت وصلت لدرجة اقتناع الطلاب إن قعدتهم قدام الجروب هتنجحهم و ده ف حد ذاته نجاح ليك :P أنا للأسف متعاملتش معاك بشكل شخصى السنة دى فمش هأتكلم عن اللى الناس بتقوله عليك .. بيشكروا متقلقش ;) و ملحوظة بردو .. أنا مش ناقص ذنوب فعشان مبقاش اغتبت نمير .. هو صاحب و زميل أفخر بانى أعرفه بقالى 4 سنين أو أكتر .. نفس الفصل .. كان الدحيح و دايما كان الأول بردو -_- .. كولدج بردو فادتنى السنة زيها زى السعدنى و ورقه .. و من أولى ثانوى و هوه بيعملنا ملخصات ربنا يكرمه :D .. دين و تربية وطنية و حاسب .. كان بيذاكر و يدينا كلمتين نحفظهم .. أيامها كان أغلب مدرسة الجيل المسلم بتذاكر من ورقه .. و لما كان يقول لواحد إن الورق خلص كان الواحد ده يحس إنه لبس ف الحيط :D بس يا سيدى .. و أحب أشكر كل دكاترة الرسم ف كليتنا لانهم خلونى أتعرف على حد زى البشمهندس محمد الديب B-)
الحمد لله و الله أكبر أنا كنت طالب طيب جدا و الله .. على مدار الست سنين بتوع إبتدائى انطردت مرتين بس .. المرة الأولى كنا طالعين من الفسحة و أنا كنت متخانق مع واحد صاحبى .. المهم شتمته و شتمنى و بدأنا نتخانق و نضرب بعض .. بالصدفة مشرف الدور شافنا .. ف اللحظة اللحظة اللى شافنا فيها كان صاحبى نايم ع الأرض و أنا فوقه و بأضربه بوكسات ! .. فاعتبر إن أنا المعتدى و طردنى م الفصل .. مع إنى طيب و معملتش حاجة :P المرة التانية انطردت من حصة العاب :D .. كانوا عاملين مسابقة جرى .. كانوا بيجروا و أنا قاعد .. كنت زهقان .. فقمت حاطط رجلى قدام واحد صاحبى كان بيجرى بسرعة جدا .. صاحبى شافها و نط من فوقيها .. بس المدرس شافنى قام مطلعنى الفصل .. مع إنى طيب بردو :P إعدادى و ثانوى منطردتش كتير و كانت عشان حاجات تافهة جدا .. ماعدا مرة انطردت من امتحان شهر عشان كنت "بأنونو و أهوهو" مع اتنين اصحابى #محمد_ياقوت_و_محمد_مصطفى .. و امتحنا برا الفصل .. فى الطراوة :D أنا كنت طفل طيب جدا و مسالم ع الآخر .. بس لما كانت دماغى بتقرر تعمل جريمة كانت بتعملها ^_^
إذا كان بإمكانك الذهاب لأي مكان لقضاء أجازتك، فأين ستذهب؟
مكان مليان أشجار و زروع .. أدامى بحر واسع .. فى وقت المغربية أو بعد الفجرية .. ريحة شوى واضحة من المخيم اللى جانبى .. نسمة هوا لطيفة بتلف حواليا .. فى ودانى الهاندفرى .. و أكون شاحن الباقة عشان الساوندكلاود ^_^
ﻷ خالص .. ممكن يبقى "إنسان يرغب فى السعادة؛ يرغب فى إيجادها، و الحصول عليها؛ يرغب فى قفشها من أفا أمها و إبقاءها معه رغماً عن إرادتها، حتى و إن كان ذلك سيقضى على سعادتها" ^_^
ما هو أطول حوار خضته مع شخص مؤخرًا، وماذا كان موضوعه؟
أطول حوار جد كان مع مامتى .. و كان عبارة عن سؤال بسيط .. هل الإنسان المفروض يحارب عشان دينه ولا عشان بلده ؟ .. يعنى لو بلده بتحارب دينه فهل دوره انه يبقى خاين لبلده ولا ﻷ .. طبعا الإجابة المنطقية انه لازم يحارب لأجل دينه .. و لو ده تعارض مع بلده يبقى دوره هو محاربة بلده .. و بالتالى يبقى اليهود كان من حقهم العمل جواسيس فى بلدهم مصر لصالح اسرائيل (اليهودية) أيام الملك و عبد الناصر .. و يبقى دلوقتى من حق المسيحيين أنهم يبقوا مع مصالح دولة الفاتيكان (المسيحية) حتى لو تناقضت المصالح دى مع مصالح بلدهم مصر .. الاتنين دول لو عملوا كدا هنقعد نشتم فيهم .. مع إن ده اللى كنا هنعمله لو بقينا مكانهم ^_^
ليها ذكرى حلوة معايا .. أول مرة أسمع الأغنية دى كنت قاعد بأرسم لوحة واجب و كان لازم أسلمها .. و كانت مليانة أفكار و طويلة جدا .. و كنت بقالى يومين صاحى .. فحسيت إن حمزة نمرة ربنا يخليه كان جاى يطمنى و يونسنى :D
الكلية علمتنى أقضى أيام من غير نوم .. بشرط إن يبقى فيه حاجة ف إيدى بأعملها .. مثلا أيام الإمتحانات كان ممكن أفضل صاحى و محتفظ بتركيزى يومين طول ما أنا بأعمل حاجة مش قاعد و خلاص ..
روح جديدة و حياة أجدد .. نعمة من عند ربنا بيرزقنا بيها عشان ناخد حسنات بالهبل .. ابتسامتهم تفرح أى قلب حزين .. و دمعة لما تنزل من عيونهم تزعل أى قلب مرتاح .. معناهم الحب و لعبهم الحرية .. هم أصلنا .. هم حياتنا ..
هع هع .. ﻷ دى حكاية طويلة جدا جدا .. من حوالى خمس شهور كدا كنت قررت الإنقطاع عن وسائل التواصل و اكتشاف بقية النت .. اكتشفت بالصدفة البحتة العمل الحر على الإنترنت (فريلانسر يعنى) .. قلت أجرب و مش هأخسر حاجة .. سجلت على 3 مواقع (خمسات .. خدمتى .. أى خدمة) .. حطيت شوية خدمات كدا .. و محدش رضى يشترى منى حاجة .. معرفتش أتنيل أنشر خدماتى ع الناس خالص و حسيت إنى مش هأعمل ولا دولار م الشغلانة دى .. بالصدفة .. لقيت إن موقع خدمتى عامل مسابقة (كل واحد عايز يشترى خدمة و معهوش فلوس يحط رابط الخدمة و هيدخل السحب .. واحد بس اللى هيكسب) .. فكرت أشترك بس قلت أكيد مش أنا الكسبان يعنى .. و فجأة .. جالى الشيطان بفكرة جهنمية .. عملت حساب تانى على الموقع و بعت لهم إنى عايز الخدمة الفلانية من حسابى الأولانى :D .. و بكدا أنا الكسبان .. الحساب التانى هيطلب خدمة م الحساب الأولانى و هم اللى هيحاسبوا عليها .. فكرة رهيبة و هأكسب منها 4 دولار على قفاهم :P و يشاء الخالق إنى أنا اللى أكسب ف المسابقة ! ضميرى مصحيش و قررت أكمل o.O الحساب التانى طلب الخدمة و هم حاسبوا الحساب الأولانى 3:) بس يا سيدى .. و تانى يوم لقيتهم باعتين لى رسالة بيقولولى إنهم مبيحبوش الحرامية و إنى لازم أشتغل على نفسى .. م الآخر مسحوا بكرامتى يا ريس :'( رجعتلهم الفلوس و قفلت الحسابين .. اكتشفت بعدها إنهم عرفونى لإن الip بتاع الحسابين واحد أصلا :\ و من ساعتها و أنا بعيد عن الشيطان فى أى حاجة ليها علاقة بالفلوس .. الواحد مش ناقص مال حرام كمان :D
حاجات كتير جدا .. نفسى أسافر .. نفسى ألعب .. نفسى أطلع الشارع .. نفسى أنط من فوق العمارة بس يبقى فيه مرتبة أنط عليها .. نفسى أعوم بس أبقى اتعلمت السباحة .. نفسى نروح كافيه بس يبقى معايا فلوس .. نفسى النت يبقى حلو بقى :D
فى سنة من سنين حياتى الجميلة كنت مع عيلتى فى اسكندرية .. كنا ف قلعة قايتباى .. القلعة هناك فيها منزل منحدر كدا .. أنا كنت نازل عليه و فجأة وقعت على وشى :D المهم إن يومها بنطلونى انقطع من عند الركبة و كملت اليوم بيه مقطوع .. عملت نفسى من بنها و قلت الموضة أكيد كدا :P
للأسف مش عارف .. فكرة انك تتحب و متكونش بتحب دى فكرة مربكة جدا .. بتبقى مش عايز تجرحه و ف نفس الوقت مش عايزه يتربط بيك و يخلى مصيره زى مصيرك .. أظن انى هأحاول آخد الأمر بعقلانية .. بهدوء مع توضيح المواقف .. مع إنها حصلت قبل كدا لكنى للأسف ما اتصرفتش كدا .. تجاهلتها تماما .. و دى كانت غلطة أظن إنى بأتحاسب عليها للنهارده :\