َهللآ نجود، ابشرك ساحبين ع الجامعه ماعندنا دوام الا عن بعد ??. المشكله مو هينا : المشكله اخواني الصغار الي معطلين من شهر ٧ و للحين ما داوموا . عقولهم تقفلت ?؟
َگل مره ، يحدث لك مؤقف - تتعلم منهه. كذا الحياة ، تمررك في مواقف و احداث توعي عقلك ،! تكبرك اكبر من عمرك بكثير ، عشانن تدرك العالم الي انحطيت فيهه ، عشان تدرك المعنى الحقيقي لكلمة حياة . ?
َو في النهآيه ، ينتصر الحق ، يبتسم المظلوم - يقتنع الغير مقتنع - و يزهد المتلذد بالدنيا . بالنهايه ، ربما ندم او رضى . بالنهاية سعادة او جزع ، بالنهاية دائماً وداع .. وداع ؟ ربما عودة بعده ، ربما الى اجل غير معلوم . دائماً بالنهاية - انت تعلمها ، انت تصنعها - انت ليس لديك ادنى فكرة عنها . بالنهاية قيل: من جدَ وجد ، قيل ؛ من زرعَ حصد . بالنهاية قيل : الايام دولةً بيننا . بالنهاية - انت ترى ما صنعته كفيك ؟ او ما صنعه القدر لك . مُجبرٌ سواء ام مخيرَ ، او ربما مسير ؟ سترضى بها كنهاية او ستصنع بيديك نهاية غيرها . دائماً و ابداً . هناك نهايات ، تعتبر البدايه ! ??
َفالسعوديه والله ??? بس في مناطق بالجنوب ما يداومون عشان الحوثيين الوصخين ?. ندرس نظام عن بعد كلنا ابتدائي و متوسط و ثانوي و جامعه ، حتى تتحسن الامور . الله يديم الامان ?
َصديقي الذي احبه ، مليء بالعيوب . و لو كان احداً اخر لقطعت قُربي بهه . صديقي ، ممتلىء بالكمال الناقص - و كل عيبٍ بهه اتلاشى وميضهه ، صديقي يبقى سيدٌ للكل ' و نور للنظر ؟ حتى العتاب ، قلما - اصبح جزء من الروح ، او نصفها . صديقي لا اُحدثك عنهه - طاهرٌ رغم العيوب * ❄️☁️??
رأيك بالشخص اللي يحتفل بـ كثرة عدد المتابعين له عند تجاوزه ١٠ الاف متابع او اكثر ب احد مواقع التواصل الاجتماعي ؟!
هل هذا الشي راح يفيده ويستفيد منه ؟!
وكيف ؟!
َوالله عزيزتي غيمة سؤالك عـ الجرح ، بس للأمانه اذا دخلت صفحات بالمواقع و شفت انهآ فعلاً جميلة و مفيدة ، عليه بالعافيه صاحبهآ لو وصلوا متابعينه للآلآف .?لكن الي يغبن واحد متابعينه كثير ، و بالاخير ما يوصل هدف ، يعني مامنه فايده / ما استغل هذا العدد و قدم لهم شيء مفيد . كل تويتاته او كل صوره بالانستا اشياء جداً عادية ، يعني وجوده زي عدمه .اما بالنسبه لسؤالك خليني اجاوب عليه ، كونك شخص انعم الله عليك بهذا العدد وانت فعلاً تستحق ، فاحتفل الله يبارك لك ، لكن تظل مسؤول عن كل شخص يتابعك ، ايش راح تقدم له !فحاول انو القادم يكون افضل ، حاول تفيد و تستفيد لو اقلها تنقل لهم معلومه - طاعة تاخذ اجرها ، نصيحه . لان وصلولك لهذا العدد يعتبر شهره لك انت مجبر تعكس شخصيتك تعكس ذاتك تتحسن نفسيتك للأفضل ، والله اعرف ناس كانوا اسوأ ماهم عليه و بعد هالتواصل تابوا ، و اهتدوا و ارتقوا في عقولهم و اصبحوا اكثر عقلانيه .
َكل شيء يهون ، الا النوم المتلخبط المخربط القلق الي تصحى من صوت عصفوره وماتنام الا بعد ساعه من التشقلب و التقلب و التسدح و التبطح ع السرير لين يفرجها الله , و المصيبة لا صحيت بعد اربع ساعات نوم و ما شبعت و تبي تكمل ماتقدر - لانه جاك ارق ! انا بعد الاختبارات ماني بصاحيه والله نومي فيه بلا ؟
َلم اكن ادرك يوماً ان الموسيقى ، بُعد . بعدٌ آخر ، حتى اختلينا - لم اكن ادرك يوماً انها سيدة الحنين . طبقاً لكل المشاعر ، التي اخبيهآ عمداً؛ تستيقظ ، ممن نغمة - كانت ولا تزال الموسيقى ، جبارة ! و لا يزال - العظماء يؤدونها ?
َانا اساساً اكره الاشخاص المحبطين ، و الي يمشون و يوزعون عبارات تشائم و احباط ، لذلك ما اعرف اتصرف مع الشخص الي متشاءم يقلب لي اوم مزاجي ، حتى لو ما اسمع كلامه لكن يبقى اثره . اتنرفز من المحبطين ، مهما كان - ارضَ بقسمة الله لك ، و اعمل بالاسباب ، لان لكل مجتهد نصيب . ليه الاحباط كذا ، و التشاؤم و الحزن المبالغ فيه ، تأكد تأكد بالاخير العالم ما رح يوقف اذا حزنت مارح يزعل ما رح ينقلب رمادي . الناس بتمشي ف حالها مارح ينتبه لك الا الي فعلاً ملاحظ و بالاخير انت الي بتتعب حالك . حاول تنسى ، اذا فيه امر مرره محزنك - اقترب من الله ، راح ينتشلك من هذا الوجع ، و فعلاً والله الاشخاص السلبيين في الحياه ما يدركون النعمه الي حولهم ، اقل شيء نعمة العافيه ، يعني مريض السرطان متفاءل اكثر منك ، هذا و هو في اي لحظه احتمال يتوفى ، وانت الي بصحتك و عافيتك ، ماد البوز و حزين .
.عن عبد الله بن مسعود رضي الله عنه قال: قال رسول الله صلى الله عليه وسلم:- « هلك المتنطِّعون » قالها ثلاثًا*(المتنطعون) : هم المتشددون في أمورهم الدينية والدنيوية والمتعمقون. [ابن عثيمين رحمه الله]☆
-إذهب حيث يرتاح قلبك ، إذهب حيث ترغب أنت ، حيث تشعر بالأمان والاطمئنان ، لا تأخذ إتجاه لا يعجبك فقط لأن الاخرين قد أخذوه ويجب أن تكون من ضمنهم ، كُن جزء من شيء يعجبك أنت و إن كنت فيه وحدك.
َماخليت برنامج الا وَ حدفته ، باقي الاسك ، و جاي دوره . لحظه : ابا اجرب الححياه بدون مواقع التواصل . ابا ارجع زي قبل اتابع التلفزيون و اقرأ لي كم صفحه ، و اعرف الاخببار من تصفح الجريده . ابي اجلس واشوف الناس زين ، مو كل واحد ماسك جواله . والا السناب ، خلوه على جنب ؟ فقدنا اللحظه العشوائيه ، صار يمثل قدامنا بالسناب انو مستانس و مجرد ما يحطها في ستوري ، يرجع لحالته الطبيعيه و يبرطم احياناً . زهقت اشوف الرؤوس منحنيه للأمام ، غير مدركه ما حولها ، بس اصابعهم تضغط فهالجوال . ملينا من المشاعر الالكترونيه و تعابيرنا انعكست في ايموجي الفيسات . مثلاً انا اسولف مع صديقتي و هي تقول سالفه تضحك ، و ارص لها درزن فيسات تضحك يقال لي متحمسه و لكن في الحقيقه فيسي زي ذا والله ?. اما بالنسبه للواتساب فحدث ولا حرج ، ودي امسك الامهات وافهمهم ، و كمان راعين الكاستات الي طوله الجدار ، خافوا من الله وش ذا من بيقراه ؟ و الا الرقابه العامه ، تشوفك متصل الساعه ٤ الفجر و ترسل ؟ ليه مانمتي ! ترا بقول لأمك انو ما نمتي للحين ! خلاص حنا تبرمجنا مع المواقع ذي و الي مرره مرره ماعنده اي منها تلقى عنده واتساب و صحيفة سبق و يدرعم منها . ما اقول الا الحمدلله على كل حال وعلى هذا التطور - و الشي الي زايد عن حده بينقلب ضده .