هو ليه الناس بتتنمر علي شكل بعض مع ان الشكل حاجه مش بايدينا ولا حتي احنا اللي خلقناها .. انا بجد فقدت ثقتي في نفسي بسببهم وبقيت بتكسف من شكلي 💔 دمروني حرفيا 💔
عشان دول عالم ناقصه ومريضه
اه الكلام بيجرح بس اوعي تضعفي قوي نفسك وقولي يارب حبي نفسك من تاني اوعي تتاثري بكلامهم تاني وشوفي انتي بتحبي ايه واشتغلي عليه واثبتي نفسك صدقيني لما تنجحي هما هيزعلو عشان معرفوش يكسروكي بل كلامهم كان دافع ليكي عشان تبيني ليهم العكس 🥰بالتوفيق
لان احنا نفوس مريضه بنتغذي علي ضعف اللي قدامنا عشان نحس بوجودنا وأننا مش نكره
محدش فينا اختار شكله ولا اختار امتحان ربنا ليه ولا حد هيحس بحد معداش بنفس محنته بس احنا ربنا هيحاسبنا على عدم حب نفسنا لان لما تحبي نفسك هتجبري اللى قدامك انه يحبك حب النفس محتاج ثقه كبيرة في نفسك وده بينعكس على كل اللى حواليكي بيوصلهم ثقتك دي وبتبقي عندهم زيها ليكي عشان كده انتى اللى بتجبري اى حد انه يحبك بحبك لنفسك ،+ مش كل الناس سوية في ناس بيبقي هدفها تدمر حياتنا بس لمجرد انها شايفه ان ربنا رزقنا حاجه مش عندهم او احسن منهم من وجهة نظرهم ومبيفكروش دى عوض ربنا بعد كام محنه او كام ابتلاء ف انتى لازم تبقي عارفه ان عوض ربنا كده كده جاى وان اللى بيحبك عشان شكلك ده ف اقرب 🗑تحطية وتعرفي انك حلوة بروحك قبل اى حاجه وان الروح هي اللى بتدوم وبتفضل ❤
ع فكرة الغلط الاكبر ع المتنمر حقيقي بس برضو الضحية ليه ذنب ف كدا
فكرة انك تسيبهم يتكلموا اصلا دا غلط الي يتكلم اديلو ع وشه سواء بالايد او بالكلام كلاهما سواء عشان فعلا فيه ناس لازم يترد عليها بالايد عشان تفهم مين العاجز
انتي قمر في عيوني
الله جميل يحب الجمال والجمال دا نسبي ربنا خلقنا كلنا حلوووين مش لازم شكل يمكن يبقي شكلك من ١٠٠% لكن روحك تغطى ويمكن تبقي ملكة جمال وروحك صفر فتقديه وعموما كل واحد بيشوف الجمال من وجهه نظرة فمتفقديش الثقة بنفسك خليكي واثقة ان ربنا خلقك جميلة بطريقة ما ولازم تظهري داا
مع ان ف عيب فيهم وده بيبقى اوحش من الشكل بس احنا عشان طيبين بنسكت
وعايز اقولك ان احنا احسن منهم ولازم نحب نفسنا ونتقبل شكلنا ايا كان
انت جميل 🖤
والله يابنتي الجمال اللي بجد من وجه نظري جمال القلب والروح غير كدا شكليات
تزعلي بجد لو جواكي غل وحقد انما انتي لو انسانه نضيفه من جوة صدقيني جمال قلبك هيظهر ع وشك
معلش ناس متخلفة وعايزين إعادة تربية من جديد
عادي الناس بتتنمر علي كل حاجة وممكن حاجة تكون اقرب للمثالية ويتريقوا عليها بردو بس عدي،اتعاملي ببرود مع الناس دي بس اللي لازم تعرفيه انه في نهاية اليوم نفسك هي اللي معاكي مش هما فمتسمحيش لكلامهم يأثر عليكي ولايقلل ثقتك في نفسك،معيار الجمال ده نسبي من شخص للتاني،فيه اللي شايفك حلوة وفيه اللي لا فعادي عمرك ماهترضي كل الناس
