بعيد عن الحلال و الحرام و إن أنا مش زيك ولا انت شبهي ولا شوفت اللي عشتوا أنا مش عاوز افهم دماغك و مش مطلوب منك تحكم علي حياتي ممكن اللي انت شايفوا صح بالنسبالي غلط و ممكن العكس و الموقف يحكم.. بس سيبك من كل ده و من كلامي و افعالي .. أعمل اللي انت عايزه بس اهم حاجة تكون متصالح مع نفسك محدش هينفعك غيرها 👋🏼👋🏼
واكفينا يا رب شر العشم....والتعلق...والسنده على غيرك...والحل الى بيتخلق للناس الغلط...والاشتياق للناس الى مش فارقين معاهم...والحزن الى مش بيبانله اخر....والاحلام الى بنشوف فيها الى فارقونا....والسعاده الى اخرها وجع...والصحبه الى اخرها فراق...والحنين الى ساكن ف الاماكن وورق النتيجه والامتحانات✋ اكفينا شر خلقك يا رب
متفتكرش نفسك مريض عشان أنت مش مُهتم بنفس إهتمامتهم حتي لو هي جميلة جداً ومُمتعة مش لازم تهتم بيها طلما مش شداك أو مش حاسس إن لها علاقة بميولك ممكن فيلم علي اللاب توب بتاعك يغنيك عن إنك تتفرج علي عرض أول مع نجوم العمل مش علشان أنت مجنون لاء لإنك مش مُهتم بنجوم العمل أنت مُهتم بالعمل نفسه وحابب تشوفه في عُزله مع نفسك بدون تداخل أصوات أو إحساس وجود أشخاص تاني في نفس حيزك دي حُريتك.. مش شرط يكون مش معاك فلوس عشان مش حابب تجيب موبايل أحدث موديل أنت مش مُهتم بأحدث موديل من الموبيلات لإنك مش من هواة الموبيلات وشايفها بتستخدم في التواصل والإتصال مش هيفرق بالنسبالك الموديل في شئ إلا لو بقى فيه أوبشن يخليك محتاجة أوي أنت طبيعي.. طبيعي جداً اللي مش طبيعي إن إهتمامك يتلخص في " أيه أجمد حاجة " ده مش إهتمام.. أنت بتخدع نفسك إهتمامك هو اللي هيخليك مستمتع حتي لو أتفه شئ علي وجه الأرض مش مُهم مش هتفرق خالص قيمته في العموم القيمة الحقيقية في رؤيتك أنت له وهو بيمثلك أيه.. إهتمامك هو اللي يسعدك.. مش اللي يسعد اللي حواليك.