@mohamedgabereraky20

Mohamed Gaber

Ask me anything Follow
Ask @mohamedgabereraky20

Sort by:

LatestTop

انفصلنا من ٩ شهور ومعرفش عنه اي حاجه وفيه عريس اتقدم اقبل ولا استناه؟

تستني تحت أي ضمان؟!
ما يمكن حبّ تاني وإتأقلم وعمرِك يضيع ف إنتظار حاجة مش هتيجي 🤷‍♂️
شوفي مستقبلك..

S🤎P🤎A🤎C🤎E

maryamaref135’s Profile PhotoMaruoma
لا تسمح لحُسن المنطوق وحلاوة الكلمِ أن يجعلك تسهو عن أنها مجرد أبجدية مُصففة وأن كفة الميزان ترجح لمن يفعل، لا لمن يتفوه
1
Liked by: hajer⁦♡

اعمل ايه مع حد وحشني اوي ونفسي اصالحه ياريت تنصحني

إدخل كلمه وقوله حقك عليا الدنيا مش مستاهله زعل..وماتشيلش هم رد فعله
أياً كان أكيد مش هيردك..

People you may like

zozakhames2020’s Profile Photo zoza_bondoaa
also likes
mostafaelshafiey’s Profile Photo S H E F O O ♥️.
also likes
NourCaramela’s Profile Photo Nourhan Hamada
also likes
mrMohamed642’s Profile Photo 3ℳℛ
also likes
habebamuhamed5’s Profile Photo mulan∆
also likes
WanaMaly149’s Profile Photo O'sha ❤
also likes
MahmoudZarif185’s Profile Photo Mahmoud Zarif
also likes
AhmedSalem784’s Profile Photo Ahmed Salem
also likes
OutRageous463’s Profile Photo deepo
also likes
emysharf484’s Profile Photo ENG..Emaa ✨
also likes
mofarid004’s Profile Photo Mohamed Farid
also likes
Zizo366’s Profile Photo SLamony ✨
also likes
SmsmSmasemo’s Profile Photo Houssam E. Maher
also likes
ahmedbarbsh2011’s Profile Photo Ahmed Darwish
also likes
naday7502’s Profile Photo ندى ❤️
also likes
EsraaFahmy2’s Profile Photo Esraa.
also likes
ahmedshalapy525’s Profile Photo Shalapoka
also likes
Homosy’s Profile Photo Mohamed Goda✌
also likes
MONAYOUSSRY’s Profile Photo Nemo
also likes
zeinabnasr8’s Profile Photo ⲌⲈⲒⲚⲀ
also likes
DodyAyman’s Profile Photo بيقولولى هدير !!
also likes
kaled_loda’s Profile Photo khaled
also likes
Mohamedemad2222’s Profile Photo M.Emad
also likes
ahmedmostafaelayat’s Profile Photo Ahmed Mostafa
also likes
cap_ahmedabdelal_114’s Profile Photo Ahmad 3ab3al
also likes
Want to make more friends? Try this: Tell us what you like and find people with the same interests. Try this:
#amrdiab #zamalek #alahly #football #zamalek #friends #tamerhosny #ahlawy #amr_diab
+ add more interests + add your interests

انا حزينة اوي وقلبي مكسور يا بخت الناس اللي دعواتها اتحققت انا بقالي سنين بدعي ومفيش حاجة بتتغير بجد حاسه بنار ف قلبي حقيقي تعبت

الرسالة دي إتكررت أكتر من مرة..أتمني من ربنا يحققلك اللي بتتمنيه لكن من غير سخط وعدم رضا..ربنا سبحانه وتعالي قادر يستجيب لكل دعواتك لكن ربنا ليه حكمة ف المنع زي ما ليه حكمة ف العطاء ..

‏لو كنت تقدر تمنع شعور من الحياه هتمنع شعور ايه؟

Aya_albarr23’s Profile PhotoYoka
الشعور بإنعدام الأمان
1
Liked by: Yoka

هو ممكن اتفضح بعد م توبت من الذنب وبطلته؟ خايفة الذنب دا يطاردني بعدين😓ربنا سترني وقت الذنب أكيد مش هيفضحني لما توبت وندمت صح؟

إن الله توابُ رحيمُ..ربنا سترك وانتي بتعمل الذنب أكيد مش هيفضح سِترِك وانتي علي طاعة وتوبة..أقفلي باب الشيطان والتفكير ف الموضوع واتركي الأمر لله..
1
Liked by: Nadia Gamal

الانسان بيتغير ازاي؟

كل واحد فينا إتشكّل نتيجة أعوامه الماضية..كل حاجه جربتها أو قريتها أو إتعلمتها أو اقتنعت بيها هتظهر ف شخصيتك مع الوقت..تصرفات كل واحد فينا بتتغير مش بمرور الزمن لكن بتتغير لإنك بتحصد كل اللي حصل ف الماضي.

+ 2 💬 messages

read all

يعمل ايه حد عايز يصالحك ومش عارف يدخل ازاي

يدخل يكلمني ويحاول يصلح غلطه..الدنيا مش مستاهله ياعم وأكيد هكون هادي ولطيف معاه

+ 2 💬 messages

read all

ممكن تخطب بنت كانت مخطوبة قبلك والبنت دي انت معجب بيها؟

مش عيب ولا حرام دا نصيب ماكتملش ..لكن بالنسبة ليا أنا وطبيعتي من الصعب أخطب بنت كان ليها علاقة سابقة..
1

اروح لمين اشكيله وانا مخنوقة و وانا عندي مشاكل ف الشغل انا بتوتر بسرعة جدا وببقي محتاجة اتكلم مع حد يطمني لما يحصل اي مشكلة بس كل مرة مش بلاقي حد

الراحد مننا لازم يعود نفسه إنه عادي يبقي لوحده ومش لازم نشارك مشاكلنا مع حد..لو كان فيه شخص سواء صديق أو قريب كان بها وزي الفل..مفيش يبقي نتعود إننا مانزودش الضغط علي نفسنا ويبقي ضغط المشكلة وضغط إني مش لاقي حد أحكيله..

حاجه بتخطف قلبك 🌿

صوت الشيخ محمد رفعت بيرجعني طفل..ذكريات طفولتي كلها مرتبطة بصوت القرآن اللي كان بيشتغل كل يوم الصبح ف شارع ما بعدي عليه وانا رايح للمدرسة..مجرد مابسمعه بفتكر مواقف من الصعب علي أي حد يفتكرها بعد كل السنين دي 🖤

بيعز عليك الفراق؟

لَحى اللَهُ الفِراقَ وَلا رَعاهُ
فَكَم قَد شَكَّ قَلبي بِالنِبالِ
أُقاتِلُ كُلَّ جَبّارٍ عَنيدٍ
وَيَقتُلني الفِراقُ بِلا قِتالِ
1

إيه هيكون رد فعلك لو حد قرر ينسحِب فجأة بدون مُقدمات من حياتك؟

مش هيكون فيه أي رد فعل من ناحيتي ..هساعده علي الإنسحاب
1

إزاي الواحد يفرق ما بين مليش نصيب ف الحاجة وما بين لازم اعافر للنهاية؟😩

salmaalaa__76585’s Profile PhotoSALMA
فيه مقولة معروفة بتقول " قبل أن تخوض حرباً من أجل شئ ، تأكد أنه يستحق ذلك "
يعني بمعني أصح لو عقلك وقلبك مقتنعين بالمجهود المبذول ف الحاجة دي يبقي عافر للنهاية..لو عقلك مش مقتنع وقلبك مقتنع يبقي واجبك تاخد قرارك بشجاعة وتفهم إن مجهودك ف الإتجاه الغلط ومالكش نصيب ف الطريق دا وكل ما قرارك هيتأخر كل ما هتبقي الضريبة مُحزنة ليك..
1
Liked by: SALMA

ازاي الاقي شغفي ف الحياة طول الوقت حاسه بخنقة بسبب اني معنديش هدف ومش عارفه انا عايزة ايه ف مش عارفه اعيش مرتاحة انا بشتغل ف التحاليل بس مبقتش مبسوطة مش لاقية نفسي فيها دا غير ان مفيش عائد مادي والميديكال ريب مش سكتي ودول المجالين المتاحين من كليتي مش عارفة اعمل ايه ولا احدد هدفي ازاي او اشتغل ايه

شغفك لمجال أو هدف معين هيجي حسب توقيتك انتي اللي هتبقي جاهزة فيه..ماتحوليش تدوري علي أي مجال وتقولي هو دا لمجرد إنك تحسسي نفسك بوجود هدف..كل واحد عنده توقيته الخاص اللي بيبتدي فيه شغفه لحاجه معينة ودا مش مرتبط لا بعمرك ولا مجالك..

+ 2 💬 messages

read all

كل سنة وانت بصحة وباشا ف نفسك كده ياهندسة ياحبيبي ❤️❤️

حبيبي وانت طيب وبخير يابرو ❤️ مش ناوي برضو تقولي انت ولا انتي مين 😅

+ 2 💬 messages

read all

لو متقدملي عريس وفيه كل المميزات الي انا محتاجاها وعجباني اوي ومرتحاله بس فيه عيب وحيد انو اقصر مني اعمل اي ارفض ولا اوافق

القصر مش عيب..لكن لو دا ممكن يسببلك مشكلة من أي نوع قدام يبقب ترفضيه لكن من غير ماتوضحي السبب دا عشان متأذيش غيرك بحاجه هو ماختارهاش..
1
Liked by: Nadia Gamal

ازاي الانسان ينسي حب 7 سنين شخص مقدملهوش حاجة غير وجع القلب وقلة الثقة ف النفس واذي نفسي رهيب وكلام يجرح كتير اوي ازاي مش قادرة انساه ازاي لسه بحبه ومش شايفة غيرة تعبت من نفسي ومش قادرة اسامحها ع الذل والاهانة اللي حطيت نفسي فيهم نفسي اعيش بجد حياتي واقفة وتعبت

أنا شايف إن كدا المشكلة عندك مش عنده..لكن عن تجربة شخصية خلي الزعل ياخد وقته لحد ماترجع حياتك طبيعية والأهم من كدا إننا نبص عليه من بعيد كل فترة عشان نتأكد إن قرارنا كان صح إننا نبعد عن الشخص دا..

ممكن توافق تتجوز واحدة مستقلة ماديا؟

علي حسب الإستقلال المادي دا غرضه ايه..
لو شخصية مُتحررة وعايزة تبقي صاحبة قرار أو عندها نوازع للإختلاط ف الموضوع أكيد مرفوض شكلاً وموضوعاً..لكن لو كان الهدف تحقيق هدف ما مقبول بالنسبالي ف دا مقبول وبرغبة مني ..
1

يعني إيه بودكاست وهل ليه برنامج معين؟ أنا عاوزة أسمع لأستاذ ياسر الحزيمي، وبحثت ع اليوتيوب بس الڤيديوهات متفرقة، لو حد يعرف يعينني أعانه الله

حاجه كدا زي الراديو او اللقاءات الصوتية..دكتور ياسر الحزيمي ليه حلقات ف برامج مختلفه ع البودكاست زي برنامج ( فنجان / بريدي / قلق الأسئلة) ..البودكاست موجود ع الايفون كبرنامج مش عارف موجود ع الاندرويد ولا لأ بس موجود برضو علي تطبيق زي سبوتيفاي..بتعمل سيرش عن ياسر الخزيمي بتظهر حلقاته عادي..

+ 3 💬 messages

read all

SPACE 🍃

HadeerAdel2001’s Profile Photo✯ᎠᎥᎠᎯ || ديہدآ‌✯ ✔
الإنسان بيتصور إنه بينسى ، لكن الحقيقة مفيش نسيان أبداً .
كل خبرة وكل عاطفة وكل ذكري مابتروحش ،إنما ممكن تنطمس تحت رُكام المشاغِل وتبقى ضمن المخزون في عقل الإنسان (اللاوعي).
وبعدين فجأة بتظهر هذه المحتويات المخزونه ، في زلة لسان أو نوبة غضب أو حُلم عابر ذات مساء .
محتوى النفس لا يُفقد أبداً بكل تفاصيله.
د/مصطفى محمود
1
Liked by: ✯ᎠᎥᎠᎯ || ديہدآ‌✯ ✔

بتؤمن بالفرصة التانية لو حد غلط تديله فرصة تانية

علي حسب يستاهلها ولا لأ..

space 🥺🥺

غنائم المرء تجاربه، ولو أورثتهُ أحزانًا وهزائم
1

المشاعر الحقيقية نلاقيها فين 💔

جرب تقرأ التعليقات الموجودة علي اليوتيوب وخصوصاً التعليقات اللي موجودة علي الأغاني الأجنبية الحزينة هتلاقي تقريباً آلاف من الناس اللي عاشوا ماضي مؤلم لسه بيكتبوا عن مشاعرهم..

+ 1 💬 message

read all

ايه رايك في النسوبة والاندبندنت وومن؟

النسوية دي شِعار لفِئة عندها مشاكل نفسية ودي مش شتيمة لأ دي حقيقة..اي بنت بتحاول تظهر بالأفكار دي دوَّر علي نشأتها وعلي الناس اللي حواليها وعلي البيت اللي إتربت فيه هتفهم إنه طبيعي تلاقي فِئة زي دي موجودة..الأفكار دي منتشرة بس ف الأوساط اللي مالقتش راجل واحد يعلِّم ويرّبي..
1

ايه اكتر علم (مش تخصصك) و نفسك تدرسه دراسة حرة 🙄

الفيزياء الكونية - البحث العلمي
1

وانت صغير مين اللاعب اللي حببك في كرة القدم؟

روبينيو - كريستيانو رونالدو - ألكسندر باتو 🖤

مكان روحته وارتحت فيه وعايز ترجع تشوفه تاني 🌿

الوادي المقدس طوي ( سيناء ) ♥️
1

وإنْ علانيَ مَن دوني فلا عجبٌ لي أُسوةٌ بانحطاطِ الشمس عن زُحَلِ فاصبرْ لها غيرَ محتالٍ ولا ضَجِرٍ في حادثِ الدهرِ ما يُغني عن الحِيَلِ أعدى عدوِّكَ أدنى من وَثِقْتَ به فحاذرِ الناسَ واصحبهمْ على دَخَلِ وإنّما رجلُ الدُّنيا وواحِدُها من لا يعوِّلُ في الدنيا على رَجُلِ

جامِلْ أخاك إِذا استربْتَ بوُدِّهِ
وانْظُرْ به عُقَبَ الزمان يعاودِ
وإنِ استَمَرَّ به الفَسادُ فخَلِّهِ
فالغُصْنُ يُقْطَعُ للفسادِ الزائدِ..
1

مين اللي ممتن ليه ولوجوده في حياتك وساعدك كتير في حياتك؟

(أبويا وأمي) دول أصحاب الفضل ف أي حاجة كويسة وصلتلها..محدش ساعدني ولا ليه فضل عليا لإني ماطلبتش المساعدة من حد ولا عمري إستنيت من حد حاجه لكن أبويا وأمي هما اللي كانوا دايماً بيساعدوني ♥️
1

هل رد الاساءه ب احسان يعتبر ضعف

إسلامنا الصحيح بيأمرنا بالعفو وإننا نرد الإسادة بإحسان لكن ف وضع قوة..لما أكون قادر أرد الإساءة بإساءة ومع ذلك أختار الإحسان لكن غير كده فهو ضعف..

+ 1 💬 message

read all
1

Next

Language: English

4.1

1,266,418 reviews
© Ask.fm 2024