ليه معظم الرجالة بترفض تساعد الستات في شغل البيت مع انه الحياة مشاركة وبتفرق جدا مع الست ؟ معظمهم بيشوفوا ان داا هيقل منهم لي كده
لا مش بيقلل منهم ولا حاجة
ويمكن من اكتر التصرفات المحترمة والايجابيه اللي افتكرها لابويا الله يرحمه انه كان بيقوم يعمل الشاي بعد الاكل لينا كلنا تقديرا لمراته على تعبها ووقفتها في المطبخ .. مكنش بيطلب منها تعمل شاي كمان انما بيسيبها ترتاح ويقوم هو ، وكان ممكن اوقات يطبخ حاجات خفيفة كدة زي الرز لو كانت هى ف مشوار برة
بس عشان كمان نكون منطقيين ستات قليلة جدا اللي بتقدر دة
في ستات كتير بتستغل الموضوع دة اسوا استغلال وحصلت قدام عيني
خالي لما كانت مراته تعبانة ف الحمل بقى يغسل هو ويطبخ وينضف البيت ويعمل كل حاجة تقريبا عشان يريحها .. كانت النتيجة انها اتعودت على كدة حتى بعد الولادة وبقى العادي ان هو اللي يقوم يطبخ لنفسه ، وبتقولهاله في وشه عادي
عموما خير الأمور اوسطها
في ايام خلال الشهر الزوجة بتكون في امس الحاجة للمساعدة
ودايما بقول بالحب كله يهون .. انما لو هناخدها حقي وحقك يبقى خربت
المشاركه مش لازم يقوم بنفس الدور ، ممكن يقوم بدور مختلف عادي زي انه بيشتري طلبات البيت ، و برضو عادي لو يساعد ف البيت بس انا عن نفسي بحس الحجات دي متعبه نفسيا و حتي لو هعملها ف مش ب صوره دايمه ، لان فطره الراجل من الاساس مش مناسبه ل شغل البيت ، مش حكايه دا هيقل مني او كدا، و برضو عادي لو ساعدت ف وقت مثلا الزوجه تعبانه فيه ، و برضو الراجل بيكون شغال اليوم كله و فيه 100 حاجه شاغله باله زي المصاريف و مسئوليه الاسره كلها ،
هو اه يساعدها بس لو قادر وعنده وقت
عايزة اقول إني ف خناق دائم مع أي ست بسبب الحوار دا المشكلة مش فيهم ( الرجالة) المشكلة ف الأهل والبيئة ال اتربي فيها والمجتمع ال خلاه شايف رجولته في كل حاجة ما عدا أنه يساعد مراته م ان دا الأهم اصلا هو راجلها هي مش محتاج يثبت لاي كائن تاني غيرها بس نقول ايه بقي 🙂
بجد انا بتخنق منهم بجدددددددددد
عايز اساعد فى شغل البيت بقى
ده مرض ونقص
عمر الرجوله ماكانت كده
الحياه مشاركه ،والتقدير حلو برضو
انا لما اتجوز هشارك
عشان أغلبهم بيعيشوا في بيئه ثقافتهم إن الراجل مينفعش يعمل شغل البيت عشان كده يبقي راجل جامد*
كسل مش رفض.
انا لو كنت راجل مش هساعد الصراحه هكسل حد يطول الراحه
