"خلي دايمًا عقابك هو إنسحابك"💫

---

#اسمعوني_منيح
أكبر عقاب ممكن تعاقبه لشخص ما قدَّر قيمة وجودك بحياته أو ما طلع جدير بثقتك هو إنك تمشي وتتركه وتنسحب تمامًا من حياته، بما إنَّك عاتبته مرة ومرتين وتلاتة وبدون فايدة! وكل مرة تاخد وعود وكمان تطلع كزب معناتو إمشي وضميرك مرتاح، إحرمه من نعمة وجودك بحياته، إحرمه من الضحكة إللي كان بيضحكها معك، إحرمه من نظرته إلك، احرمه من انك تاخد سرو وتخبي عن كل ناس إحرمه من جدعنتك ووقفتك جنبه، إحرمه من انك دايما شايلو همو احرمه من الكتف إللي كان بيسنده بوقت ضعفه، إحرمه من إحساس الراحة إللي كان بحسها لما يفضفضلك، اتركه يروح يتعرَّف على ناس تانية، خلّيه يفرح بالبدايات معهم لأنه البدايات دايمًا مش مقياس، كلّها تمثيل وأقنعة، كل ما يعرف ناس أكتر ويتعمق معهم كل ما رح يعرف قيمتك أكتر، خليه يتفرج على أصدقاء المصلحة والناس إللي لابسة وجوه، إمشي واتركله الذكريات وهي كفيلة تعرّفه قيمتك، والأيام رح تلفّ ورح يدرك إنه خسر إشي غالي كتير! مش شرط إنه يجي يعترفلك إنه مفتقد وجودك بحياته، بس بكفّي إنه بينه وبين حاله متأكد إنه خسرك للابد

View more