يعني بنت بتدخل السجن وتطلع حامل وهي منتقبه ومحترمه ومعملتش حاجه اصلا وتضطر تنتحر عشان اللي حصل .. يعني ولد يتضرب امه قدامه بالقلم ولما يدافع عنها يتضرب ويضيع مستقبله .. يعني شاب لسه بادئ حياته ومفرح ابوه بدخوله كليه كان ابوه بيحلم بيها زيه ولما يدخل يتاخد بتهمه ال @$#!÷ ويترفد من كليته وامه تموت بحسرتها عليه ... يعني متعلم يتاخد وجاهل بيبيع مخدرات يتساب عشانا بيجيب فلوس ودا لا ... يعني شرطي من اعداديه يثق ف نفسه ويضرب دكتور جامعه ... يعني ابقي ماشي خايف ولو معملتش حاجه ان ظابط يكون مضايق وقت اللي هعدي فيه وادخل سنه السجن بيتحقق معايا وبعدها اخرج برائه .. الظلم حجات كتير اوي مواقف يتاكدها بس لو مش هنقول مواقف فالظلم هو انك تبقي مش قادر تاخد حقك ولا قادر تتكلم ومن كتر اللي عليك من قلة حقوق تبقي ضعيف وساكت وخايف من لا شئ