لما البنت بتحب شو بتعمل
ولما الشب بحب شو بعمل
وشو الفرق بينهم بالحب
نكون منطقيين شوي الشب او البنت لما يحبوا عنجد ويكون قصدهم شريف ومش لعب بمشاعر بعض وقتها ممكن يعملو اي اشي بخطر ع بالك اي اشي بس عشان م حدا فيهم يخسر الثاني ، اهم اشي اهتمامهم ببعض انت ك شب او بنت ، اذا بتحب بتصير تهتم بالحدا اللي بتحبه بأي طريقة ، تهتم باكله ، بلبسه ، شو بحب ، شو بكره ، حتى اتفه الاشياء انت بتصير تهتم فيها وطبعاً هالشي بكون حلو ، احلى شعور فالعالم انه الشخص اللي بتقدمله هالشي يبادلك نفسه ، وقتها بتحس حالك ملك في شغلة بنعيشها احنا بوقتنا الحالي ، وطبعاً هالشغلة مرات بتكون منيحة ومرات لا و عالأغلب بكون اثرها سلبي اللي هي قصة الثقل ، انه البنت تثقل ع شب او العكس الرسول عليه الصلاة والسلام حكى مش انا ولا فلان ولا علان حكى ( اذا احببت شخصاً اخبره ليعلم وكررها ليطمئن ) بس للاسف نحنا بنعمل العكس، بنضل صابرين نستنى هالحدا اللي بنحبه هو يجي يحكي انه بحبنا تماام شردت شوي عن السؤال ، بس كان نفسي احكي اللي بقلبي اعذرني الحب اشي حلو والله ، حبوا بعض🥺 وانا برضو حاب اعرف رأيك بهالحكي ، اذا شفت الجواب وحبيت ترد بكون مبسوط او اي حدا حاب يعلق ع الحكي ، ويلكم 🙂
قال بحرقك و ما بخلي حدا ياخدك غيري ... ?
راح يدور عالبنزين بس ضيع طريق الرجعة ...??
ع فكرة يعني ، الاشي مش مضحك أبداً وانا نفسي افهم ليش بتبعث هالأشياء ، يعني لا بتجمع كوينز منها ولا اشي انا بتهمني راحتك يعني ?، ف يا ريت تخف شوي وشكراً وعفواً ?