شكراً لنوتس بتاعت تليفوني مستحمله كل حاجه مش عارفه اقولها ولا اوصفها لحد شكراً لانها مستحمله التناقض بتاعي شكراً لأنها مش هتعاتبني ولا هتلومني كل اللي فيها هيفكرني بكل وقت صعب عديت بيه وهيقويني شكراً لسلسله رسائل لن تُرسل اللي حقيقي كل رسالة ورسالة تبين قد ايه ان الشخص عنده صبر ومش بيزهق من الكتابة شكراً لكل شعور لطيف حسيته فكتبته وكل ضحكه حلوة وموقف لطيف وثقته وكل صورة جمعتني بالناس اللي بحبهم شكراً لكل حاجه كان نفسي اعملها او اكتبها ومنعني خمسين الف حاجه بس هي ممنعتيش اكتب واعبر ❤.
لو ليا علاقه قديمه مع واحد وبعدين اتقدملي عريس واتخطبت لازم احكيلوا ولا محكيش؟!
متحكيش
اسم ولد بحرف غ صعب دا 😂👍
غيث
بما اننا مش هنخرج .. افكار نعملها ف العيد في البيت؟؟
لو لقيتوا افكار قولولي انا جبت اللاب وقاعده مقضياها في البلكونه وسط زرعي والسماء الصافية وبتفرج وباكل كحك وكده عظمه ❤.
لو عايز ابعت هديه لحد من غير ما يعرف انها منى .. اعمل ايه ؟!
والله فاطمة البرى ما قصرت جروب Your secret person
لو شخص ما اللي هو مش انا يعني اكيد اه اكيد مش انا 🌚 حب يعترفلك انه بيكراش عليكي او متابعك ايا كان المسمى يعني ، هتعمليلوا بلوك امتى ؟ 🚶♂️
والله ده بالفعل حصل اتهزق وخد واجبه واتعمله احلي واجمل بلوك
العيد كشف وحدتك صح 🥲
لأ انا عارفه من قبل العيد عادي
كلها بقت سهرانة مع كتاكيتها وأنا سهرانة مع خيبتى🧑🦯
كان شكلي مسخره وانا بجري ورا العيال الصغيرة النهارده حرفياً انا مكنتش بفرحهم انا كنت بفرح نفسي وبسعدها بضحكتهم كل الدعم واللطف والحب لأي حد لطيف بيشجع الأطفال يصلوا ❤.
كل عام والأشخاص اللي عندي unknown بخير هما واحبائهم 😂❤❤❤❤. عيدكم مبارك ❤✨
حط آخر صورة فى الجاليرى 🦋
😂❤❤❤❤.
ارهقتنى الهزائم 💔
والله اهلكتني الهزائم.
انا كلمت واحدة و اتعرفت عليها م السوشيال و طيبة و محترمة و بنات ناس المهم اتعرفنا ع بعض و اتصاحبنا زي ما بيقولو بس انا حبيتها و انا حاليا قربت م ربنا و مش عايز اعصيه و اكلم اي بنت تاني و ف نفس الوقت مش عايز اخصرها و مش عارف اعمل ايه مع العلم ان الخطوبة ف الوقت ده صعبة جدا
تقولها وتبعد سواء اقتنعت او لأ مش عايز تخسرها بس مش هتغضب ربنا اكيد ولو هى عاقله هتفهم ده والوقت كفيل يداوي اي وجع ولأ مش هتخسرها يعني إن شاء الله واسعي عشان تكون حلالك وربنا يهديكم ويجمعكم إن كنتم خير لبعض🤍.
حملة ازالة بلوكات لكل الناس عنب يارب مندمش علي اللي بعمله ده🌚
مكالمة ليلة العيد من شخصك المفضل شعورها جميل جدا انا مجربتوش🙂.
والله ولا انا ربنا يكتبلنا نجرب الشعور ده🙂
كان دورك اى فى الاذاعة المدرسية 😂♥️
كنت بقدم الأذاعه وقارئه القرأن🥺❤.
بتحبي التفاصيل لما حد يحكيلك حاجة؟
جداً مش كل الناس لناس معينه بصراحه 😂👈🏻👉🏻❤.
أتقالك عيونك حلوه قبل كدا ؟
ايوه علي طول مع انهم مش بيبانوا اصلا😂❤.
ندمان انك سبت حد؟
مبفرطش ولا بسيب حد الحمدلله ❤.
اهم صفه ف المكان أو ف الشخص ال معاك هو أنه تحس بالأمان
حاجات بديهيه
ضع شهر ميلادك هناك رساله لك 💌
10🌚
Married or engaged?
single وبالتلاته 🙂
يبخت اللي هيفكر يخطبك والله
يبخت اللي هوافق عليه والله
دلوقتي هل من حقي اشترط علي العريس نعيش في اي مكان غير بيت العيلة ؟
مش شرط هو اسموا تتفقوا سوا واكيد بيت العيلة مش الطف حاجه لو تعرفوا تهربوا بعيد عن عيلتك وعيلته اعملي كده.
الصوره باينه 😂😂😂
جميله🥺❤❤
Space
عشوائيات ما بعد منتصف الليل: كنت بشتكى لماما من الضغط والارهاق اللي عليا وبحكيلها قد ايه ضغط الكلية ونظامها المقرف والكم الكبير اللي باخده والمذاكرة تعباني وحتي الكام يوم اجازة بخلص فيهم شغل البيت وصحتي مرهقهه جداً ونفسياً مش احسن حاجه فكانت عماله تواسيني وتقولى ان ربنا بكره هيحلها من عنده وتصبرنى سيبتها وقولت هخلص اخر حاجه اتبقت في ترويقة العيد اللطيفه وكانت هى اوضتها بدأت انضف وانفض لحد ما لقيت علب ادويتها حقيقي افتكرت ايام مكنش نفسي افتكرها ابداً ايام كلها وجع ويأس وقت ما كان عندها كرونا كنت عارفه وقتها ان ربنا هيبتليني في حاجه انا بحبها وكان اشد ابتلاء اني اشيل البيت والكلية ومرضها وقلة حيلتي كل ده لوحدي وبكايا كل يوم لربنا انه ميختبرش صبري في امي مكنتش عارفه اوفق بين الكلية والبيت فاضطريت اقعد من الكلية مده معينه كان ترم التخصص وكانت الحياة قدامي سوداء بمعني الكلمه انا فقدت كل حاجه شخصية هزله ضعيفه محبطه كنت بعيط كل يوم لربنا ان يشفيها لأني معدش فيا حيل لأي خساره تاني كل ده واكتر شوفته في علب ادوية وافتكرت انا كنت قوية ازاي وقدرت اشيل البيت واشيل حمل كليتي وكان كرم من ربنا انه يرزقني التخصص اللي بحلم بيه عشان اقدر افرحها وقتها وعدت ربنا اني معلمش اي حاجه تزعله مني علي قد ما اقدر واتعلمت استمد قوتي منها احلي واجمل مكافحه شوفتها في حياتى واتعلمت ان مهما كان الوقت الصعب وشديد عليا هيعدي وهيمر طول ما احنا بنعدي وعندنا يقين في الله الحمدلله علي ما كان وما سيكون واسأل الله ان يتم شفائها علي خير ❤.
كنت ناوية اعمل مفاجأه لأحدهما فأستشرت حد عزيز عليا في الفكرة دي وشوفت انها ممكن تفتح ابواب انا مش قدها وان دي حجه فارغه وان الأفضل الشخص يتصدق وميقولش وإن شاء الله في الجنة يعرف ❤.
Space..🤍🌙
بقالي كام يوم بحلم اني بتجوز شخص ما ومقعداه في الكوشه غصب عنه وحاجه في منتهي الضحك😂😂😂😂
خايفة من حياتي اللي بعد العيد.
رعب وربي هدخل فيلم رعب بس ربنا يعين😢
مع&ضد الراجل اللي بيلبس سلسلة؟
ضد وبيقل من نظري جامد
رأيك في البنت اللي كانت منقبه وقلعت النقاب خالص ورجعت للحجاب؟
مايان السيد قالت جملة عظيمة انا ليه ادي رأيي في الناس وانا بقول من موقعي هذا ربنا يهديهم محدش ادري بظروفهم ومحدش هيحاسبهم غير ربنا وبس.
متقدملي حد ماديا مش اوي ، وانا مش عايزه اكافح مع حد خصوصا انه مش عن حب ، لو رفضته يبقي ظلمته؟
اغلب صحابي زعلانين مني حالياً عشان مبردش عليهم ولا بسأل وحقيقي انا زهقت من الشات كلام ممل لا تعرف فيه نبرة صوت اللي قدامك ولا احساسه ايه ولما اقولهم تعالوا ننزل نتكلم في اي حته ميوافقوش لقاء الإنسان بصديقه ليه بهجه ممكن تخلينا كلنا نتعافي من اي حزن او ألم.
لما بتحس انك تايه ومش عارف الصح من الغلط تعمل اي ...
بدور علي حد امين عليا وعلي سري يرشدني للطريق الصح لو متوفرش ليا الحد ده بقعد مع نفسي وادعي كتير ان ربنا يلهمني الصواب وبحاول افكر كتير وعمتاً ماما علمتني الحاجه اللي تخبيها تعرف انها غلط علي طول الحاجه اللي تقدر تيجي تبوح بيها وانت مش خايف تبقي بنسبه كبيرة صح.