في الحقيقة انا لما بأخد قرار او خطوة وبنتكس فيها ببقي حزينة علي نفسي جداً ان كل مجهودي وتعبي وبذلي لكل المجهود ده ضاع في لحظة ضعف ورجعت للصفر تاني وبقعد أجلد ذاتي كتير ومفيش حاجه بتهون عليا الآيه دي (یُرِیدُ ٱللَّهُ أَن یُخَفِّفَ عَنكُمۡۚ وَخُلِقَ ٱلۡإِنسَـٰنُ ضَعِیفࣰا) مش مبرر لأفعالي او انتكاسي المتكرر بس انا حقيقي بحاول في اليوم يجي مليون مره او اكتر بس بتهديني وبتخليني ارجع ابني من الصفر تاني وكل مرة بنتكس برجع ابني من الأول تاني وحقيقي لولا ستر الله مكنش الناس اللي حواليني شايفني بالقوة والجمال ده فالحمدلله علي ما كان وما سيكون اللهم ارزقنا التوفيق والثبات والفلاح وابعد عنَّا المشتتات ❤.
أنا اتحب ماشي إنما احب لا معقول محبتش ولا واحدة قبل كدة ؟= حبيت مرة و عرفت من ساعتها اني مينفعش احب . انا لما بحب ببقى ضعيف ، مبعرفش افكر و مبعرفش اشوف كويس ، ببقى مكشوف من أقل كلمة و بقع و بخسر كل حاجة، في ناس حظها كدة مينفعش تحب ، لما بتحب بتموت - الإنسان يعيش مرة واحدة ١٩٨١
انا اللي بيتقدموا يا مهندسين فبيترفضوا يا اما ساعة زنقة الأمتحانات فبيترفضوا برضو عشان بفضل اقول التعليم التعليم وانا اصلاً من جوايا نفسي اقعد في البيت ... 🚶🏻♀️
لما تأخد اي قرار في حياتك بيعتمد علي حاجه واحده بس الحلال والحرام طول ما هو حلال ملكش دعوة بأي حد خليك قوي ملكش دعوة هيقولوا عليك ايه ملكش دعوة بالسخريه اللي هتسمعها خليك قوي طنش وعدي واوعي ترجع في قرارك او تردد اثبت واستعن بالله وأجمد وإن شاء الله ربنا هيوفقك للطريق الصح.