-🖤;☄️"

April 15, 2020

علطول بنشرب البيبسي ومش فارق معانا مين اخترعة وليه اتسمى كده المهم نشرب وخلاص💙😂😂😂
تعالو بقا اقولكو مين اخترعة وليه اتسمى بالاسم ده✌️💛
اللي اخترع البيبسي هو الصيدلي الامريكى " كاليب برادهام " ، كان قاعد ف الصيدلية بتاعتة , والدنيا صيف بقا والجو حر 🤒 ، راح خلط شوية مواد مع ماية الصودا علشان يقدمه للزباين في الصيدلية والكلام ده كان سنة 1898م 💙
وكان متأكد ان الناس هييجو الصيدلية بتاعته لو هو قدملهم حاجه بيحبوها وتنعشهم ف الحر ده ، وساعتها اتسمي " شراب براد " نسبة الي اسمه " برادهام " ➡
وبعد كده قرر يسمى الشراب المميز بتاعه باسم " بيبسي كولا " ، ليه يا ترى ⁉
لانه كان ف رأيه انه بيعالج مرض سوء الهضم والمرض ده اسمه " Dyspepsia " او نسبة الي انزيم ال " pepsin " وهو واحد من الإنزيمات الهضمية اللي بتنتجها المعدة وله دور كبير ف عملية الهضم ✔
ولما برادهام لقي ان الناس عماله تشترى المشروب بتاعه ، فتح شركة صغيره علشان يسوق للمنتج واتسجل براءة اختراع سنة 1902م ↗
الشركة اتعرضت للافلاس بعد الحرب العالميه الاولى ولكن استعادت نجاحها بسرعة وانتشرت ف جميع انحاء العالم 💜

Liked by: MAHRAN nhockpro269 منة اللَّه ĮsOlaTed •_• Amany ♓ Naira M. Ramadan deda Adam dohaa Sara Abd El-dayem آيـَـة السَــيد

Space .. ~ 💞 ~

بَــطــوط

April 15, 2020

ف مرة القاضي كان لسه هيحكم بالاعدام على راجل متهم بقتل زوجتة 🔪🔪
فجأة المحامى قام وقال للقاضي " علشان يصدر الحكم لازم الهيئة يكون عندها يقين مفيهوش اى ذرة شك ان المتهم قتل زوجتة ، ودلوقتى هيدخل من باب المحكمة دليل قوى على ان موكلي برئ وان زوجتة حية "
اتفتح باب المحكمة وبعد لحظات مدخلش حد 😳
قال المحامى " الكل كان منتظر دخول القتيلة ، وده بيأكد ان معندكوش قناعة تامه ان موكلي قتل زوجتة "
الناس كلها استغربت لذكاء المحامى !!!!
وجة حكم القضاء ، والمفاجأة ان الحكم كان " اعدام "
فسألو القاضي ليه ؟
قالهم " لما المحامى قال ان الزوجة المقتوله هتدخل من الباب ، كله بص ع الباب ما عدا شخص واحد 😃 وهو الزوج ، لانه هو متأكد انه قتل زوجتة "

Liked by: منة اللَّه ĮsOlaTed •_• Dr ElRewiny dohaa Basmala♥ ريهام.. M N O O N .♡ Ahmed Hussein A H M E D MOhamed H. ROstom

💛_

amani

April 14, 2020

سألت نفسك قبل كده اى اللي هيحصل لو الارض اتوقفت عن الدوران🤔؟ خصوصا ان فيه احدات مهمة جدا مرتبطة بدوران الارض سواء بتدور حوالين نفسها او حوالين الشمس 😃 ؟؟
طبعا لو الارض بتدور حوالين نفسها ف احنا عارفين ان ده بينتج عنه تعاقب الليل والنهار 🌙☉ ، لكن لو بتدور حوالين الشمس ف ده بينتج عنه حدوث الفصول الأربعة ، الشتا والصيف والربيع والخريف 💜
مقولناش بردو اى اللي هيحصل لما الارض تقف عن الدوران 🌍 ؟
هيحصل اعصار ورياح شديدة جدا هتشيل كل حاجه ، وفيه موقع من المواقع قال ان هيحصل تسونامى عالمى واعاصير مدمرة هتمحى كل حاجه من على وش الارض ☠
وكمان هتنتشر الزلازل ف كل حتة ، وهتنتشر كمان الحرايق بسرعة هايلة جدا بسبب التغير المفاجئ ف سرعة الرياح 🔥🔥
وفيه حاجه كمان✌ القمر هيصطدم بكوكب الارض والاقمار الصناعية هتفضل تقرب من كوكب الارض لغاية ما تتحطم ، واليوم هيبقي اكنه سنة بالظبط 🕢🕙
وهتشرق الشمس على نصفين الكرة الارضية لمدة ٦ شهور متواصلة ، وهتكون ف النهار الحرارة استوائية شديدة جدا 🌞 وبالليل هتكون البرودة قطبية يعنى برودة شديدة جدا بردو ❄
اظن كده انت عرفت باختصار اى اللي هيحصل لو كوكب الارض اللي عايشين عليه ده بَطَّل يدور 🌍💙😂

Liked by: منة اللَّه ĮsOlaTed •_• Dr ElRewiny ريهام.. M N O O N .♡ Mysaa Masrya Ahmed Hussein MOhamed H. ROstom " مريَم " وتين

مساحة⚡❤

April 12, 2020

انا حابة ان الصفحة دى تكون بتاعتنا كلنا 💜
اولا : كل يوم هنزل معلومة خفيفة تقراها✌ متسألنيش ف مجال اى علشان انت اللي هتقترح علينا وتقولى نفسك تعرف معلومات عن اى 💛️😂😂😂 وبعد كده هحدد لما اشوف اقتراحاتكو 💙
ثانيا : الباب مفتوح ليك علطول ف اى وقت ، حابب تحكى مشكلة وتعرف رأى الناس فيها ابعت 💜️ مجرد فضفضة خفيفة كده علشان تعرف اننا معاك 💛️😂
ثالثا : اى حد عندة موهبة ، سواء بيرسم او بيخطط او بيغنى او بيكتب شعر ، يبعت وهنزلة وتشاركنا بموهبتك الجميلة اللي زيك دى 💛💙
رابعا : هنعمل بين كل فترة والتانيه مناقشات ف مواضيع معينة او ننزل قصص 😄💜
رد ع السؤال وقولنا انت حابب تكون معانا ولا لا 😍💛 وحابب تضيف اى للاقتراحات دى 💙
ومتنساش تقولنا موهبتك اى ✌💙