إذا كان بإمكانك اختيار مكان وزمان مختلف لميلادك، فمتى وأين كنت تود أن تولد؟
انا عاجبني يوم مولدي ومكانه لكن لو اغير زمان كان اخترت انولد بـ 1965 كان بيكون عمري الحين50 سنه ? واكون نضجت مره وفهمت الحياة وكرهتها كان تكون ملذات الدينا واهوائها ماتغريني كان اكون عشت بالزمن الجميل كان اكون اعيش اعبد الله وبس كان بروح مكه واجلس اتعبد لين اموت فيها لكن مشيئة الله خلتني ماانولد بهذاك الوقت ?
- الزمن بطيء جداً لمن ينتظر .. سريع جداً لمن يخشى... طويل جداً لمن يتألم... قصير جداً لمن يحتفل لكنه الأبدية لمن يحب.#وليم شكسبير ^ احب اقرأ للأديب شكسبير تعجبني مقولاته ?
ماعندي تذوق للشعر صراحه بس ذي الابيات تستوقفني اذا قريتها واحس انها تحكي عن كل شخص محكوم عليه بالاعدام الله يعافينا واياكم والله يكون بعون كل من حكم عليه بالاعدام هي للشاعر هشام الرفاعي ?أبتاه ماذا قد يخط ّ بناني .. و الحبل و الجلاد منتظرانهذا كتاب إليك من زنزانة .. مقرورة صخرية الجدرانلم تبقَ إلا ليلة أحيا بها .. و أحس أن ظلامها أكفانيستمر يا أبتاه - لست أشك في .. هذا - و تحمل بعدها جثمانيالليل من حولي هدوء قاتل .. و الذكريات تمور في وجدانيو يهدني ألمي ، فأنشد راحتي .. في بضع آيات من القرآنو النفس بين جوانحي شفافة .. دب الخشوع بها فهز كيانيقد عشت أومن بالإله و لم أذق .. إلا أخيرا لذة الإيمانشكرا لهم ، أنا لا أريد طعامهم .. فليرفعوه ، فلست بالجوعانهذا الطعام المر صنعته لي .. أمي ، و لا وضعوه فوق خوانكلا ، ولم يشهده يا أبتي معي .. أخوان ِ لي جاءه يستبقانمدوا إلى يدا مصبوغة .. بدمي ، و هذي غاية الإحسانو الصمت يقطعه رنين سلاسل .. عبثت بهن أصابع السجان
أجعل لنصيحتك ثمن لاتنصح من لايحتاج النصيحه لاتنصح من لا يعمل بالنصيحه اجعل نصيحتك بمكانها وبوقتها الصحيح البعض نضيع وقتنا بنصيحته وتصبح نصيحتنا لهم بلا ثمن والبعض مجرد ننصحه يعمل بها لانه كان محتاج لها واثرت به فأقول لاتنصح بكل وقت ?
هذا هو زمنا شنسوي نمشي بالخساره كلنا اللي يفهمك ويفهم نواياك هو الوحيد اللي تقدر تصارحه لانه بيفهم مقصدك اما الباقين لازم تجاملهم عشان تعيش بدون مشاكل وراحه ✋ لان يمكن يحقدون ويجلسون يراقبونك وبس تغلط يعيبون عليك وبس يصيرون يرمون كلام انا اتكلم عن الواقع اللي حولي ويمكن اكون بالغت وغلطانه بس انا افضل اني اجامل عشان ارتاح ✋
لانك تعيش بهذا الزمن انا جربت اصارح او تقدر تقول احب اكون صريحه كثير الناس تزعل مني وتجلس ماتكلمني لاني اصارح بالشئ اللي مايعجبني بس الحين صرت اجامل واسلك للكل عشان احافظ على علاقتي بهم لانك بزمن الناس تزعل فيه من الحقيقه ?
إذا كان هناك شخص واحد ستتحدث معه طوال الفترة المتبقية من عمرك، فمن سيكون هذا الشخص؟
أمي ❤️ وغيرها مااتمناه هي اللي تفهمني وتعذرني هي اللي لازعلت اشكي لها وتواسيني تنصحني هي اللي مصلحتي تهمها ومصلحتي تخليها قبل مصلحتها لا صديق ولا اخت ولا احد بيكون مثل امي ابد
مره من المرات في جامعتنا المحترمه والموقره كان يدرس دكتور مصري المهم ان الدكتور كان يخير البنات مدري بشنو المهم يقول تبون كذا والا كذا وبالجنوبي مانقول بكيفك والا على راحتك والا سوي اللي تبي والا اللي يعجبك نقول بهواك يعني على راحتك المهم ردت عليه وحده من البنات قالت بهواك يادكتور الدكتور راح باله بعيد وعصب وجلس يقول ايه قلة الحيا دي انتي ماتستحيش وراح اشتكاها يقول البنت تقول انها تحبني وسوو تحقيق ومدري شنو وضعيفة ربي مادرت عن هوا داره بس كلمه قالتها وفهم غلط البنت كرهت كلمة بهواك ولاعاد تقولها ابد ?? وبس والله
انا اعطي بدون حدود وانا اعطي بدون مقابل ولما اعطيك معناته احبك ومابي اخسرك وابي اسعدك بس مو معناته اني مغفله وتبدأ تستغفلني لما اساعدك واوقف معاك مو معناته تاخذني حق مصلحه انا لما احبك اتغاضى عن اشياء كثير فيك وحركات تستفزني اضطر اسكت عشان ماازعلك بس لما اكتشف اني للمصلحه بس انا هنا اكرهك ولما اكره مااعتقد ارجع احب حاولت اصفي قلبي برمضان وصفيته تجاه الاغلب بس اجي لك ابصفي تجاهك واعجز والله عجزت ارجع مكانتك بقلبي وعجزت ارجع احبك عجزت ارجع اضمك بدعواتي كل ماتطري علي اقول الله حسيبك اعذريني كنتِ اختِ لي وكنتِ تصنف من الماضي الجميل
صباح ثالث يوم من رمضان يالله شكثر رمضان سريع ? تونا امس نترقب له والحين له ثلاث ايام بيننا الله يعيننا على صيامه وقيامه ويبلغنا ليله القدر صباااح السعاده
دعاء قبل الأفطار :
قبل أن يفطر الصائم يسن أن يقول: (اللهم لك صمت، وعلى رزقك أفطرت، ذهب الظمأ، وابتلت العروق وثبت الأجر إن شاء الله، اللهم يا واسع المغفرة اغفر لي).
اذا أحسست في وقتٍ ما أنك تريد أن تذهب إلى عالمك الخاص(الخيال) وتريد أن تستسلم للوحده
ورميت كل شيٍ خلفك لتختلي بنفسك
وأمسك شخص ما بيدك بكل قوته وقال لك
أنت لي كل شي لاتبتعد
وهو شخص ذو خلق وكفؤ
ماذاتفعل؟
?مبارك عليكم الشهر وعساكم من العايدين?
⭐️بما ان الكل يرسل ويستسمح ان غلطو علينا او من هالكلام .. حبيت انا بعد اقلدهم :) هو صح مُعظم علاقاتي معاكم سطحيه.. بس أتمنى تسامحوني أن غلطت في حقكم في اي جواب .. او تضايقتو مني بسبب شي من اجوبتي وبوحي الكئيب ..⭐️
السموحه منكم ??
ربي يسعدك يا اختي ماجا منك الا كل خير ربي يحفظك ويخليك ❤️