في الامثال اخطب لبنتك قبل ماتخطب لابنك هل بالامكان ان العائلة تختار عريس لبنتها وتخطبه او ترونه هذا نقص وهل رؤية شاب مناسب مبرر لااحد الوالدين انه يخطبه لبنته ربي يسترك؟
بصراحه مااعتقد ان هذا الشئ عيب لأن الأب في زمنا هذا يادوب يحصل رجل يصون بنته ويحافظ عليها والأهم من ذلك يحترمها ويحترم مكانتها لأن حنا الأن نصارع زمن قل فيه الرجااال ومن يتصف بصفات الرجوله التي ترضي ديننا قبل تقاليدنا وعاداتنا ❤️
ينتشر بين البنات فكرة عدم وجود الشاب اللي يستاهل يكون شريك حياتها ويذكرن عيوب كثيرة في الشباب مؤيده لهالرأي وش الحد الادنى المقبول فيه الشاب ليكون يستحق شراكة حياتك وهل ترين الشباب يتحمل مسؤلية الزواج ربي يسترك دنيا واخره؟
بالعكس انا اشوف فيه شباب يستاهل يكون شريك الحياه وهاذي الفئه نادره لأن البنت احلامها خياليه شوي فمن الصعب انها راح تلاقي المواصفات اللي هي محتاجتها في الشاب الخليجي لأن ابنائنا غير متفتحين في التعامل او الرومانسيه وبيئتنا لها دور ايضآ وطريقة تربيتنا وعصور اجدادانا كل هذا له اثر علينا مستقبلا وهذا هو الفرق بيننا وبين الأجانب .. انا عن المسؤليه ف انا متأكده ان شبابنا فيهم الخير لكن هم يحتاجون للدعم لا اكثر ❤️
في السوق وبيدك بضاعه مثل فستان او قماش ودخلت وحده ومسكتها وتقول للبايع بكم ذا وش ردة فعلك معها تقولين هييه مافيه الا ذا ولا عادي عندك تطنشين ربي يسعدك؟