السلام عليگم .. رجعت لكم بعد غياب طويل .. اشتقت لفلويني ❤️ . . . طبعا راح ارجع للأسك مره ثانيه ابتداءا من اليوم و حبيت اخبركم اني عملت انفولو لكل فلويني حتى اعرف منو اللي لازال موجود ومن الغايب ؟! وراح اضيف من جد وجديد لكل شخص يتابعني بإستمرار اتمنى المتابعه الجديده من فلويني وغيرهم مايكون فيها ازعاج لأن هذا مكان للسؤال والدردشه والنقاش يعني مراح اقبل اي رابط يوصلني ، او طلب لايكات ، او قلة ادب وسفاهه من بعض الشخصيات ... الاحترام ياليت يكون متبادل فيما بينا .. . . وشكراً لكم ❤️😘 اقبل متابعتكم ، ومتابعتي لكم 🌹
الزعل والبرطمه تجي وتكون احوال البعض فيها غريبه فيزعل على الكل من حوله لااحد يكلمني والبعض ينفرد بلحاله مايبي يخالط الباقيين والبعض ينفس عن نفسه بشي اما تخريب او نوم او صراخ فكيف احوالك مع الزعل ربي يديم سعدك ؟
السواق سواء سواق خاص بالعائله او سواق الباص تحصل معه مشاكل لانه بعض السواقين يكون يتحمل الانتظار والبعض يرمي كلام يعني لاتتاخرين وزي كذا والبعض يسوي مواقف مالامها داعي مثل سايق بالمايك حق المدرسة ساره انا فيه انتظار خمسة دقيقه مايجي انا يمشي فضحك عليها زميلاتها كيف امورك مع السائق ربي يحرسك ؟
في بعض الثقافات يعبرون عن رايهم في الاخرين علنا في الاماكن العامة مثلا عطرك حلو او لبسك حلو اوستايلك حلو فهل تقبل/ ين رأي الاخرين العلني فيك وماردة فعلك ربي يمتعك بعمرك؟
الوفاء بالوعد سنة حسنة يوفي بها البعض ولايهتم بها اخرون بتبرير عادي بعدين اوفي والبعض يوفي اذا الموعود غالي واذا من باقي الناس عادي والبعض وده يوفي لكن عجاز كيفك مع الوعد ربي يسعدك؟
يختلفون الناس بالضحك في الاماكن العامه مثل المولات والمطاعم والمناسبات منهم من يحاول ينزل صوت ضحكته مايبي تطلع ومنهم من ياخذ راحته المهم يضحك ومنهم من يبتسم بس ووده يفقعها ضحك انت/ي من اي الحالات ربي يديم ابتسامتك؟
طريقة الكلام البعض صوته عالي والبعض صوته واطي والبعض اذا تكلم بسرعه كلماته والبعض على الهادي وتحس به نوم والبعض يتكلم ويطول في شرحه والبعض يختصر الكلام وكأنه يتصدق عليك كم وضعك مع الصوت والكلام منك ولك ربي يمتعك بعمرك؟
كل ميانه تفرق عن الثانيه مثلآ في صديق يعز عليك ونصفك الثاني وبينگ وبينه ميانه وثقه وصداقه عمياء هاذي مافيها سلبيات ولكن مو اكيد ؟، وفي ميانه يكون فيها حدود وحدود قويه يعني ماتجمعني بهذا الشخص غير الضحك والطقطقه والمزح لكن لا يتدخل في حياتي الشخصيه لأني عارف انه ممكن في يوم من الأيام يضرني لأنه اخلاقه ماتسمح له بالحفاظ على حقوقي وهاذي ميانه فيها سلبيات كثيييره اذا انخرطنا فيها 😊
الصدمه عكس المتوقع مثل ان تنصدم من شخص بكلامه عكس ماكنت تظن او صدمة من موقف تحسبه زين وطلع عكسه فالبعض يتقبل الصدمه ويسكت والبعض ينفعل في ردة فعله والبعض ردة فعله غريبه اما بصراخ او بكاء كيف استقبالك للصدمه ربي يحرسك وكيف ردة فعلك؟
تبين في دراسة باحدى الجامعات: ان لدى المرأة هرمونا خاصا بضبط المزاج يزيد إفرازه حينما تثرثر المرأة مع اخواتها وصديقاتها وجاراتها، فيتخلصن بذلك من وقع الضغوط النفسية فهل تجدون في الثرثرة والفضفضة راحة ربي يرزقك راحة البال؟