Bibolar!!
شفاك الله شفاء لا يغادر سقما عاجلاً غير آجل يارب 💙
لا تقلقي خالص .
خدي نفسك وقومي صلي ركعتين لله وفضي دماغك في جدول ينجزلك كمية مهمة وكبيرة اللي عليها أكبر درجات يعني بعد كده صلي قضاء حاجة وادعي ربنا ...
عايزة أقولك إني كنت أسوء منك والحالة كانت أصعب وكنت بمتحن أناتومي وامتحانات تانية وكلها عدت بفضل ربنا والله الحمد لله..
أعرف صاحبتي في طب وكانت تعبانة جداً وال load عليها كان كبير لكن جابت امتياز
امشي بمبدأ ما لا يدرك كله لا يترك كله أو بمعنى تاني خد من التل يختل وحاولي تنجزي .غيري مكان مذاكرتك وغيري الوقت مثلاً .شوفي واحدة صاحبتك تشجعك ..أو حتى تعالي قوليلي خلصتي ايه وإنجازك ايه كل يوم ومتقلقيش والله احنا كمسلمين فقوتتا لا هي بالوقت ولا العدة ولا الزاد بس بالبركة في الوقت واتكالنا على ربنا ويقينا وحسن ظننا فيه
وطبعاً متهمليش أبداً الأدوية وحاولي تتواصلي مع الدكتور علشان الجرعات كده .بالنسبالي كنت بزود وقت الأمتحان بس بإشراف دكتور ولو فيه معالجة نفسية أو جلسات كملي طبعاً وحاولي تصرفي تفكيرك عن أي حاجة غير المذاكرة والإنجاز وهتشوفي في العشر أيام دول المعجزات والله
( اعملي خطة إنك تقسمي الجزء ده على سبع أيام بس والباقي يبقى مراجعة ولو فيه حاجة صعبة وقعت
وحاولي تصحي بدري وتبدأي مع الفجر هتلاقي طول يوم رهيب وخدي ساعتين يومياً لحاجة بتحبيها بسيطة تبسطك زي مثلاً إنك تبصي على السما أو تشربي حاجة تكلمي حد بتحبيه تقرأي حاجة ترسمي تغسلى أطباق حتى تزوري قريبك حاجة ترفيهية أو اسمعي حلقة من مسلسل بس متسرحيش يعني))
ربنا يعينك ويوفقك ويجبرك وتبشريني قريب إنك كويسة 💙
افتكري الأيام بتعدي فاستغليها علشان متندميش بعدين هي كده كده هتعدي فاتعبي شوية للمستقبل
آه متنسيش تحتسبي كل ده لله وتدعي ربنا يتقبل ويعينك 💙
View more
