بغض النظر عن الكلام ال بيكتبوه سواء هو تعويذات من كتاب شمس المعارف او لا . او كلمات لها مدلول عندهم .. الصيغه ال بيكتبو بيها الكلام دا صيغه تلفت للانتباه ومجذبه للناس لان الناس مش متعوده علي مثل هذه الصيغ .. وهدفهم الاساسي ان الناس تعرفهم في الوقت الحالي وبالفعل دا ال حصل .. بس الناس دي لها اهداف تانيه غير معلنه .. اه علي فكره الجماعات دي موجوده من فتره طويله في مصر والعرب.. ويمكن كان لها ظهور لامع في اول التسعينات وبعدين محدش سمع عنهم حاجه .. بس هما بالفعل موجودين ولهم اجتماعات سريه وطقوس خاصه بيهم .
لحد دلوقتي ملقتش حد بتكلم بشكل منطقي غير واحد بس تقريبا غير كدا الناس كلها واخده الموضوع استهزاء وتريقه .. طب هو حد اصلا حب يتعب نفسه ويعرف ايه مصدر الناس دي او مين هم اصلا ولا تبع ايه ولا ليه هما ظهرو الفتره دي وهما ايه معتقداتهم وهما ايه مطالبهم او يعرفهم ويجمع معلومات عنهم لان فعلا الموضوع مش مجرد تريقه عليهم وبس .
ساعات كتير الواحد بتعرض لمواقف اول مره يتعرض ليها .. ف ممكن تغلط او تتصرق بشكل مش كويس .. بس دا مش معناه انك وحش .. وبيكون نيتك كويسه وقصدك خير .. بس الخطأ ال حصل نتيجه عن عدم خبره او عايز تثبت الحاجه ال انت عايزها بشكل مختلف شويه .. ف تتفهم غلط .. بس الاكيد ان الواحد بيتعلم من اخطاءه وبيحاول علي قد ما يقدر يلاشي الاخطاء دي وميكررهاش تاني