لو واحدة صاحبتي كل شوية بحال يوم تقرب مني وتحسسني اننا ملناش الا بعض و أيام تبعد عني ولا تسأل ولا اعرف عنها حاجة ولما اسألها فينك بقالك فترة الاقي معندهاش سبب يعني .. دلوقتي العلاقة دي بقت مرهقة جدا ورغم اني بحبها بس انا عاوزة اقطع واحذفها من فيس وواتس وكله.. اعمل كدا فجأة ولا ابلغها الاول ولا ايه ؟
متحذفيهاش ممكن تعمليلها unfollow .اتخلصي من العلاقات المؤذية لانها بتستهلكك وانتى الخسرانة.ويوم ماترجع تكلمك متديهاش اهتمام في الكلام واتحججى بأى حاجة لحد ما بالتدريج هى هتبطل تكلمك .المهم متديهاش فرصة.
اديلها فرصه اخيرة لو استمرت لازم تقطعي
متعمليش حاجه ابعدي انتي كمان .. العلاقات المرهقه ابعدي عنها
مش ضروري تحذفيها واتس ووفيس
كلميها وعرفيها ان الموضوع متعب بالنسبالك بالراحة
وبلغيها بأيا كان اللي هتعمليه🧡
يمكن في حاجه ملهيه فيهاا الله واعملم كل واحد عندو ايه وبيمر بأيه
عندي نفس المشكلة بالظبط وحرفيا مش عارفة اتصرف بيعز عليا العشرة
عزز نفسك وحسسها بقيمتك ...لو اتعدلت يبقا جابت نتيجه ولو فضلت ع كده فوكك ومتتعبش نفسك مع حد ميستاهلش
طب م يمكن انتي اتغيرتي معاه ومبقتيش زي الاول. وهي مستنيه ترجعي زي الاول🙄
اتكلمي معاها وقوليلها اللي مضايقك العتاب بيدل ع الحب وانك باقي ع اللي معاك ومش عاوز تخسره
بلغيها انك مش حابه الاسلوب ده والله اعلم يمكن يكون عندها مشاكل ولو مفيش ابعدي عنها احسن
