انا عمري مكلمت ولاد قبل كده قعدوا يقولوا معقده وحاجات واصحابي صاحبوا غيري شبهم المهم بقيت لوحدي اتعرفت علي حد علي السوشيال بس بنتكلم علي اساس صحاب فقط كلام عادي جدا بس انا مضايقة جدا انا مش كده انا كده مش محترمه بس برجع اقول كلامنا مفهوش حاجه ومشوفناش بعض وم محافظات مختلفة مش عارفه اعمل اي
انتي بتتكلمي لمجرد الكلام بس علشان ترضي نفسك انك مرغوبة زيهم مع انك مش حابة ده بطلي كلام طبعا لانك مش محتاجة ده و خليكي واثقة في نفسك انك صح و متافوريش في السكة دي
هوا انا ممكن الاقي واحد ماكلمش بنات قبل كدا و لا ارتبط و لا دا صعب
موجود عادي بس غالبا هيتجوز واحدة مكلمتش حد قبل كده بردو بس نصيحة سواء بنت او ولد متحكمش على حد من ماضيه ولا تدور عليه عامل الشخص اللي قدامك و احكم عليه لان كلنا اكيد غلطنا و بنغلط و هنغلط بس درجات متفاوتة و ستر ربنا علينا
قولولي أسماء أفلام أجنبي جديده تحفه وتكون رعب واكشن ورومانسي ف نفس الوقت😂😂 بصوا عايزه أسماء أفلام نينجا م الاخر
مفيدة جد لبعض الناس الانطوائي واللي ملوش اصحاب او حد قريب منه يتكلم معاه و يفضفض اوقات كلمة لطيفة من حد غريب ممكن تحلي يومك لكن على الجانب التاني فيه بنات كتير اووووي بتتاذي بسبب مجرد صداقة الكترونية
اكيد من غير الحب الحياة بتكون جامدة (مش معاكسة لا اللي هو زي الآلات كده ) و مش شرط حب محن و سهوكة ممكن حب اهلك او صحابك يكون حافز ليك تكون احسن علشانهم
هيا فطرة انسانية لحد ما تتخزوق اوووي فيبقا مش فارق معاك و حب الناس حاجة مش وحشة طالما مش غاية ولا بتخليك تنافق او تكدب علشان تحصل عليها و بالنسبة ليا انا شخصيا بتعامل بتلقائية و زي ما تيجي