ربنا يعوض عليكي بكل خير ويفرح قلبك ال مافيش أطيب منه لأنك تستاهلي كل الحلو ال في الدنيا ومش كل الناس بتعرف تفهمك صح إلا لما تتعامل معاكي وتعرفك كويس ❤️❤️❤️
انا عشت عُمري كله ببرر كل حاجه بعملها للناس اللي حواليا عشان تتفهم زي ما كانت ف نيتي مش زي ما فهموها، 20 سنه من التبريرات والعلاقات الغير مفهومه ، اكاد اقسم ان مفيش ولا شخص دخل حياتي الا واستهلك طاقتي كلها ف التبريرات والعتاب واللوم 🤍
فيه ابتهال جميل للنقشبندي بيقول "أغيب و ذو اللطائف لا يغيب، و أرجوه رجاءًا لا يخيب إلي من تطمئن به القلوب فكم لله من تدبير أمر و من كرم و من لُطف خفي، و ما لي غير باب الله باب ولا مولي سواه ولا حبيب.." بالنسبة لي وجدت الطمأنينة و السلام في التسليم لله و الإيمان بلُطفه و تدابيره، و اثق أن لا ملجأ إلا إليه ولا أمان إلا به🤍
فيه أيام كدا ربنا بيبعتها مابيكونش ليك نصيب فيها ..يعني زي ما بيقولوا كده اليوم دا مش يومك " طول اليوم تلاقي حاجات بتتكسر وحاجات بتتقعد وحاجات بتبوظ واخبار غير ساره ومابيكونش فيه مبرر لكل اللي بيحصل دا غير إن ربنا بيفكرك إن أمورنا اللي ماشيه ومتظبطه كل يوم دي ماشيه بتسيره وتدبيره مش بشطارتنا ولا بخبرتنا.... ف يارب سهل علينا حياتنا ويسر امورنا وكُن عوننا ووكيلنا ولا تكلنا إلي أنفسنا طرفه عين يارب 🤍